Reseidiń Býriatiia Respýblikasynda áiel murnyndaǵy túiindi kádimgi bezeý dep oilap, syǵyp tastaǵan. Alaida jazylmaǵan jaranyń keiinnen teriniń qaterli isigi ekeni anyqtalyp, naýqasqa kúrdeli ota jasaý qajet boldy, dep habarlaidy dalanews.kz.
Jergilikti densaýlyq saqtaý mekemesiniń málimetinshe, áieldiń murnynda biyl sáýir aiynda kishkentai bezeýge uqsas túzilis paida bolǵan. Ol ony ózdiginen syǵyp tastaǵan, alaida jara jazylmai, kerisinshe úlkeie bastaǵan.
Birneshe aptadan keiin ǵana naýqas Býriatiia respýblikalyq klinikalyq onkologiialyq dispanserine júgingen. Dárigerler jergilikti jansyzdandyrý arqyly túzilisti ashyp, irińdi ózegin alyp tastap, tin úlgisin gistologiialyq zertteýge jibergen.
Arada 10 kún ótken soń zertteý nátijesi áielde teriniń jalpaq jasýshaly obyrynyń (ploskokletochnyi rak koji) ekinshi satysy bar ekenin kórsetken.
Alaida diagnoz qoiylǵannan keiin de naýqas birden em qabyldaýǵa kirispegen. Osy ýaqyt ishinde túzilis ulǵaiyp, qanap, qatty aýyrsyný týdyrǵan. Aýyrsyný kóz ben basqa taralyp, áiel tek aýyrsynýdy basatyn dárilerdiń kómegimen júrgen.
Keiin tynys alýy qiyndap, jaqqan jaqpamailary áser etpegen soń ǵana ol qaitadan onkodispanserge barǵan. Onda tolyq tekserýden ótip, aýrýhanaǵa jatqyzylǵan.
Dárigerlerdiń aitýynsha, isik ýaqyt óte kele murynnyń pishinin ózgertip jibergen. Sondyqtan endi naýqasqa isikti alyp tastaý ǵana emes, murynnyń pishini men qyzmetin qalpyna keltirýge baǵyttalǵan eki kezeńdi rekonstrýktivti-plastikalyq ota jasalady.
Mamandar qaterli isikter ózdiginen jazylmaitynyn eske salyp, teridegi kez kelgen kúmándi túzilis uzaq ýaqyt jazylmasa nemese kólemi ulǵaisa, mindetti túrde dárigerge qaralý qajet ekenin aitady.
Dárigerlerdiń sózinshe, aýrý neǵurlym erte anyqtalsa, ony tolyq emdep shyǵý múmkindigi soǵurlym joǵary bolady.
