Qazaqstanda qaita kún jylynady. Qazgidromet úsh kúnge arnalǵan aýa raiy boljamyn jariialady, dep habarlaidy dalanews.kz.
Eldiń basym bóliginde aýa temperatýrasy joǵarylaidy. Dese de soltústik, ortalyq, shyǵys óńirlerde túnde salqyn bolady. Soltústik-shyǵysta, ońtústikte, ońtústik-shyǵysta atmosferalyq fronttar áserinen keibir jerlerde naizaǵai oinap, jańbyr jaýady, jel kúsheiedi.
Kúndiz aýa temperatýrasy birtindep joǵarylaidy:
- batysta, soltústik-batysta jáne ońtústikte +28…+33 gradýs;
- soltústikte, shyǵysta jáne ortalyqta +23…+30 gradýs;
- ońtústik-shyǵysta +20…+27 gradýs, taýly jáne taý bókterindegi aýdandarda +10…+15 gradýs.
