رەسەيدٸڭ بۋرياتييا رەسپۋبليكاسىندا ەيەل مۇرنىنداعى تٷيٸندٸ كەدٸمگٸ بەزەۋ دەپ ويلاپ, سىعىپ تاستاعان. الايدا جازىلماعان جارانىڭ كەيٸننەن تەرٸنٸڭ قاتەرلٸ ٸسٸگٸ ەكەنٸ انىقتالىپ, ناۋقاسقا كٷردەلٸ وتا جاساۋ قاجەت بولدى, دەپ حابارلايدى dalanews.kz.
جەرگٸلٸكتٸ دەنساۋلىق ساقتاۋ مەكەمەسٸنٸڭ مەلٸمەتٸنشە, ەيەلدٸڭ مۇرنىندا بيىل سەۋٸر ايىندا كٸشكەنتاي بەزەۋگە ۇقساس تٷزٸلٸس پايدا بولعان. ول ونى ٶزدٸگٸنەن سىعىپ تاستاعان, الايدا جارا جازىلماي, كەرٸسٸنشە ٷلكەيە باستاعان.
بٸرنەشە اپتادان كەيٸن عانا ناۋقاس بۋرياتييا رەسپۋبليكالىق كلينيكالىق ونكولوگييالىق ديسپانسەرٸنە جٷگٸنگەن. دەرٸگەرلەر جەرگٸلٸكتٸ جانسىزداندىرۋ ارقىلى تٷزٸلٸستٸ اشىپ, ٸرٸڭدٸ ٶزەگٸن الىپ تاستاپ, تٸن ٷلگٸسٸن گيستولوگييالىق زەرتتەۋگە جٸبەرگەن.
ارادا 10 كٷن ٶتكەن سوڭ زەرتتەۋ نەتيجەسٸ ەيەلدە تەرٸنٸڭ جالپاق جاسۋشالى وبىرىنىڭ (پلوسكوكلەتوچنىي راك كوجي) ەكٸنشٸ ساتىسى بار ەكەنٸن كٶرسەتكەن.
الايدا دياگنوز قويىلعاننان كەيٸن دە ناۋقاس بٸردەن ەم قابىلداۋعا كٸرٸسپەگەن. وسى ۋاقىت ٸشٸندە تٷزٸلٸس ۇلعايىپ, قاناپ, قاتتى اۋىرسىنۋ تۋدىرعان. اۋىرسىنۋ كٶز بەن باسقا تارالىپ, ەيەل تەك اۋىرسىنۋدى باساتىن دەرٸلەردٸڭ كٶمەگٸمەن جٷرگەن.
كەيٸن تىنىس الۋى قيىنداپ, جاققان جاقپامايلارى ەسەر ەتپەگەن سوڭ عانا ول قايتادان ونكوديسپانسەرگە بارعان. وندا تولىق تەكسەرۋدەن ٶتٸپ, اۋرۋحاناعا جاتقىزىلعان.
دەرٸگەرلەردٸڭ ايتۋىنشا, ٸسٸك ۋاقىت ٶتە كەلە مۇرىننىڭ پٸشٸنٸن ٶزگەرتٸپ جٸبەرگەن. سوندىقتان ەندٸ ناۋقاسقا ٸسٸكتٸ الىپ تاستاۋ عانا ەمەس, مۇرىننىڭ پٸشٸنٸ مەن قىزمەتٸن قالپىنا كەلتٸرۋگە باعىتتالعان ەكٸ كەزەڭدٸ رەكونسترۋكتيۆتٸ-پلاستيكالىق وتا جاسالادى.
ماماندار قاتەرلٸ ٸسٸكتەر ٶزدٸگٸنەن جازىلمايتىنىن ەسكە سالىپ, تەرٸدەگٸ كەز كەلگەن كٷمەندٸ تٷزٸلٸس ۇزاق ۋاقىت جازىلماسا نەمەسە كٶلەمٸ ۇلعايسا, مٸندەتتٸ تٷردە دەرٸگەرگە قارالۋ قاجەت ەكەنٸن ايتادى.
دەرٸگەرلەردٸڭ سٶزٸنشە, اۋرۋ نەعۇرلىم ەرتە انىقتالسا, ونى تولىق ەمدەپ شىعۋ مٷمكٸندٸگٸ سوعۇرلىم جوعارى بولادى.
