Beinesabaqtarǵa qatysty baiqaý aiaqtaldy
21 nominatsiia boiynsha uiymdastyrylǵan konkýrsqa júzden asa muǵalimder óz materialdaryn usyndy. Jiberilgen beinematerialdardyń kópshiligi zamanaýi Qazaqstandaǵy bilim berý júiesiniń túrli innovatsiialyq jáne dástúrli nysandaryn, ádisterin, jańa pedagogikalyq bilim berý tehnologiialaryn, praktikalyq pedagogikanyń damý perspektivalaryn qarastyrǵan.
Eksperttik keńes músheleri konkýrsqa usynylǵan beinesabaqtar men beinedáristerdiń mazmuy men tehnikalyq sapasyn jan-jaqty tekserýden ótkizýde. Muǵalimder konkýrs qorytyndysyn asyǵa kútýde.
Árbir konkýrs, bul árqashan qiyn da qyzyqty synaq. Sonymen qatar, bul úlken eńbek nátijesinde sheberligińdi arttyryp, osy saladaǵy jetken jetistikter men asqan tájiribelerdi ortaǵa salyp, paidaǵa asyrý.
Búgingi kúni kóp upai jinaǵandar qazirgi zamanǵy pedagogikalyq sheberliktiń qyr-syryn asha túsip, ózderiniń jetistikteri men jinaqtaǵan tájiribeleriniń beker ketpegenin dáleldei aldy dep nyq senimmen aitýǵa bolady.
Sóz sońynda aitarymyz, qurmetti áriptester, sizderdiń talanttaryńyz, bastamashyldyqtaryńyz ben túsinýshilik mádenietińiz, sondai-aq áleýmettik jáne azamattyq quzyrettilikke qabiletiligińiz úshin úlken rahmet! Árbir konkýrsqa qatysýshy jeńimpaz.Sizderdi jeńisterińizben quttyqtaimyz!
Qoǵammen bailanys bólimi
