QR Prezıdentiniń N. Nazarbaevtyń 2018 jylǵy 10 qańtardaǵy «Tórtinshi ónerkásiptik revolúsıa jaǵdaıyndaǵy damýdyń jańa múmkindikteri (7-tarmaq – «Adam kapıtaly – jańǵyrtýnegizi») Joldaýyn iske asyrý aıasynda Bilim jáne ǵylym mınıstrliginiń tapsyrmasy boıynsha «Órleý» BAUO» AQ qoldaýymen Almaty qalasy boıynsha Pedagogıkalyq qyzmetkerlerdiń biliktiligin arttyrý ınstıtýtynda mektepke deıingi, orta, qosymsha, tehnıkalyq jáne kásiptik bilim berý uıymdary úshin beınesabaqtar men beınedáristerdiń «Pedagogıkalyq ıdeıalar panoramasy» konkýrsynyń 1-shi maýsymda bastalǵan qalalyq kezeńi aıaqtaldy.

21 nomınasıa boıynsha uıymdastyrylǵan konkýrsqa júzden asa muǵalimder óz materıaldaryn usyndy. Jiberilgen beınematerıaldardyń kópshiligi zamanaýı Qazaqstandaǵy bilim berý júıesiniń túrli ınovasıalyq jáne dástúrli nysandaryn, ádisterin, jańa pedagogıkalyq bilim berý tehnologıalaryn, praktıkalyq pedagogıkanyń damý perspektıvalaryn qarastyrǵan.

Eksperttik keńes músheleri konkýrsqa usynylǵan beınesabaqtar men beınedáristerdiń mazmuy men tehnıkalyq sapasyn jan-jaqty tekserýden ótkizýde. Muǵalimder konkýrs qorytyndysyn asyǵa kútýde.

Árbir konkýrs, bul árqashan qıyn da qyzyqty synaq. Sonymen qatar, bul úlken eńbek nátıjesinde sheberligińdi arttyryp, osy saladaǵy jetken jetistikter men asqan tájirıbelerdi ortaǵa salyp, paıdaǵa asyrý.

Búgingi kúni kóp upaı jınaǵandar qazirgi zamanǵy pedagogıkalyq sheberliktiń qyr-syryn asha túsip, ózderiniń jetistikteri men jınaqtaǵan tájirıbeleriniń beker ketpegenin dáleldeı aldy dep nyq senimmen aıtýǵa bolady.

Sóz sońynda aıtarymyz, qurmetti áriptester, sizderdiń talanttaryńyz, bastamashyldyqtaryńyz ben túsinýshilik mádenıetińiz, sondaı-aq áleýmettik jáne azamattyq quzyrettilikke qabiletiligińiz úshin úlken rahmet! Árbir konkýrsqa qatysýshy jeńimpaz.Sizderdi jeńisterińizben quttyqtaımyz!

 

Qoǵammen baılanys bólimi