21 نوميناسيا بويىنشا ۇيىمداستىرىلعان كونكۋرسقا جۇزدەن اسا مۇعالىمدەر ءوز ماتەريالدارىن ۇسىندى. جىبەرىلگەن بەينەماتەريالداردىڭ كوپشىلىگى زاماناۋي قازاقستانداعى ءبىلىم بەرۋ جۇيەسىنىڭ ءتۇرلى يننوۆاسيالىق جانە ءداستۇرلى نىساندارىن، ادىستەرىن، جاڭا پەداگوگيكالىق ءبىلىم بەرۋ تەحنولوگيالارىن، پراكتيكالىق پەداگوگيكانىڭ دامۋ پەرسپەكتيۆالارىن قاراستىرعان.
ەكسپەرتتىك كەڭەس مۇشەلەرى كونكۋرسقا ۇسىنىلعان بەينەساباقتار مەن بەينەدارىستەردىڭ مازمۇى مەن تەحنيكالىق ساپاسىن جان-جاقتى تەكسەرۋدەن وتكىزۋدە. مۇعالىمدەر كونكۋرس قورىتىندىسىن اسىعا كۇتۋدە.
ءاربىر كونكۋرس، بۇل ءارقاشان قيىن دا قىزىقتى سىناق. سونىمەن قاتار، بۇل ۇلكەن ەڭبەك ناتيجەسىندە شەبەرلىگىڭدى ارتتىرىپ، وسى سالاداعى جەتكەن جەتىستىكتەر مەن اسقان تاجىريبەلەردى ورتاعا سالىپ، پايداعا اسىرۋ.
بۇگىنگى كۇنى كوپ ۇپاي جيناعاندار قازىرگى زامانعى پەداگوگيكالىق شەبەرلىكتىڭ قىر-سىرىن اشا ءتۇسىپ، وزدەرىنىڭ جەتىستىكتەرى مەن جيناقتاعان تاجىريبەلەرىنىڭ بەكەر كەتپەگەنىن دالەلدەي الدى دەپ نىق سەنىممەن ايتۋعا بولادى.
ءسوز سوڭىندا ايتارىمىز، قۇرمەتتى ارىپتەستەر، سىزدەردىڭ تالانتتارىڭىز، باستاماشىلدىقتارىڭىز بەن تۇسىنۋشىلىك مادەنيەتىڭىز، سونداي-اق الەۋمەتتىك جانە ازاماتتىق قۇزىرەتتىلىككە قابىلەتىلىگىڭىز ءۇشىن ۇلكەن راحمەت! ءاربىر كونكۋرسقا قاتىسۋشى جەڭىمپاز.سىزدەردى جەڭىستەرىڭىزبەن قۇتتىقتايمىز!
قوعاممەن بايلانىس ءبولىمى
