Búgin Beijiń qalasynda Qytaidaǵy Qazaqstan týrizmi jyly aiasynda Túrkistan oblysynyń ákimdigi «NAURYZFEST» merekelik is-sharasyn uiymdastyrdy. Aitýly sharaǵa QR Týrizm jáne sport vitse-ministri Erjan Erkinbaev qatysyp, sáttilik tiledi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Kontsert alańyna jinalǵan qaýymǵa ulttyq taǵamdar usynylyp, óńirdiń týristik áleýeti qamtylǵan únparaqtar taratyldy.
Túrkistan oblysynyń shyǵarmashylyq ujymdary qazaq halqynyń tańdaýly án-kúii men biin kórermenderge pash etip, qoshemetke bólendi. Aitalyq, «Súgir» atyndaǵy qazaq-ult aspaptar orkestri, «Iassy» bi ansambli, «Tańba» etnokvarteti jáne ánshiler Beijiń halqy men Qytai qazaqtaryna rýhani serpilis syilady.
Qazaqstannyń Qytaidaǵy Elshiligi men Túrkistan oblysy mádeniet jáne týrizm basqarmasynyń birlesip úilestirýimen ótkizilgen «NAURYZFEST» is-sharasyna óńirdiń ónerpazdary, týrizm jáne mádeniet salasynyń ókilderi atsalysty.
28 naýryz kúni Beijiń qalasynda Qytaidaǵy Qazaqstannyń resmi ashylýy bastalǵan bolatyn. Halyqaralyq týristik kórmege Túrkistan oblysy belsene qatysyp, óńirdiń týristik ónimderin úzdik tanytqany úshin 2-oryndy iemdendi.
