Abai oblysynyń ákimi Berik Ýáli Semeidegi Abai atyndaǵy halyqaralyq áýejaidyń jumysymen tanysty,– dep habarlaidy Dalanews.kz
Aimaq basshysy áýejaidyń terminaldaryn, jolaýshylarǵa arnalǵan kútý, júk qabyldaý zaldaryn, ushý-qoný jolaqtaryn jáne tehnikalyq aýmaqtardy aralap kórdi. Nysanǵa tiesili tehnikalardyń jaǵdaiyna nazar aýdardy.
Áýejai direktory Ǵazizbek Samatov oblys ákimine jolaýshylardy kútý zaly men terminaldardyń talapqa sai kelmeitinin jetkizdi. Qoldanystaǵy arnaiy tehnikalardyń tozǵanyn aityp, ásirese qys mezgilinde qar tazalaityn jańa tehnikalardy alýǵa kómek kórsetýdi surady.
Áýejaida aimaq basshysyna ǵimaratty rekonstrýktsiialaý jáne nysan aýmaǵyna tikushaqtar qoiýǵa arnalǵan qosymsha angar salý qurylysynyń jobalary tanystyryldy. Bul jobalar áýejai infraqurylymyn jańǵyrtýǵa jáne jolaýshylarǵa qolaily jaǵdai jasaýǵa baǵyttalǵan.
Oblys ákimi áýejaidyń materialdyq-tehnikalyq bazasy kezeń-kezeńimen jańǵyrtylatynyn atap ótti.
«Áýejaiǵa qosymsha angar salý boiynsha jobany qoldaimyn. Bul - birinshi kezekte sheshýdi qajet etetin másele. Jobalyq-smetalyq qujattamany daiyndańyzdar. Qar tazalaityn tehnikalardy satyp alýǵa kómektesemiz. Qalǵan jobalardy kezeń-kezeńimen, júieli túrde júzege asyramyz. Ákimdik tarapynan tiisti qoldaý kórsetiletin bolady», – dedi aimaq basshysy.
