Berik Ýáli Abai oblysynyń ákimi bolyp taǵaiyndaldy, - dep habarlaidy Dalanews.kz.
Berik Ýáli buǵan deiin Prezidenttiń keńesshisi-baspasóz hatshysy qyzmetin atqardy.
«Memleket basshysynyń jarlyǵymen Berik Ýáli Abai oblysynyń ákimi bolyp taǵaiyndaldy, ol burynǵy atqarǵan laýazymynan bosatyldy», - dep jazylǵan Aqordanyń habarlamasynda.
Berik Ýáli kim, buǵan deiin qandai qyzmet atqardy?
1998-1999 jyldary – «NTK» telearnasynda «Jańalyqtar» aqparattyq baǵdarlamasynyń shyǵarýshy redaktory.
2000-2007 jyldary – «31 kanal» teleradiokompaniiasynda» «Informbiýro» aqparattyq baǵdarlamasynyń bas redaktory, «Erkin sóz» baǵdarlamasynyń avtory ári júrgizýshisi, «Doda» saiasi tok-shoýynyń bas redaktory ári júrgizýshisi.
2007-2012 jyldary – «Habar» Agenttigi» AQ Aqparattyq baǵdarlamalar direktsiiasy jańalyqtar qyzmetiniń tilshisi, «Betpe-bet» aqparattyq-saraptamalyq baǵdarlamasynyń júrgizýshisi.
2009-2012 jyldary – «Nur Otan» partiiasy «Nur-Media» JShS Jemqorlyqqa qarsy media-ortalyǵynyń basshysy.
2012-2015 jyldary – Ońtústik Qazaqstan oblysy ákimi apparat basshysynyń orynbasary – baspasóz qyzmetiniń jetekshisi, Ishki saiasat jáne din isteri basqarmasynyń basshysy.
2015-2016 jyldary – «Nur-Otan» partiiasy Tóraǵasy birinshi orynbasarynyń keńesshisi.
2016-2018 jyldary – Qazaqstan Respýblikasy Investitsiialar jáne damý ministriniń keńesshisi, Aqparattyq qamtamasyz etý departamentiniń direktory.
2017-2018 jyldary – «Qazaqstan» ulttyq telearnasy «1-stýdiia» qoǵamdyq-saiasi tok-shoýynyń júrgizýshisi.
2018-2019 jyldary – Jambyl oblysy ákimdigi Ishki saiasat basqarmasynyń basshysy.
2019-2022 jyldary – Qazaqstan Respýblikasy Prezidentiniń Baspasóz hatshysy.
2022-2023 jyldary – «Habar» Agenttigi» AQ basqarma tóraǵasy qyzmetterin atqardy.
2023 jylǵy 12 qyrkúiekte Memleket basshysynyń ókimimen Qazaqstan Respýblikasy Prezidentiniń keńesshisi – Prezidenttiń baspasóz hatshysy laýazymyna taǵaiyndaldy.
Ol - «Daryn» memlekettik jastar syilyǵynyń (2011), «Parasat» (2024), «Qurmet» (2019) ordenderiniń, QR Prezidenti Alǵysynyń (2021), QR Prezidenti Ákimshiliginiń «Minsiz qyzmeti úshin» tósbelgisiniń (2022) jáne 5 merekelik medal iegeri.
"Prezidenttiń kez kelgen tapsyrmasy elimiz úshin asa mańyzdy"
Jýyrda Berik Ýáli «Aiqyn» gazetine kólemdi suhbat berip, Prezidenttiń kez kelgen tapsyrmasy men bastamasy elimizdiń damýy úshin asa mańyzdy ekenin aitqan edi.
«Prezidenttiń kez kelgen tapsyrmasy men bastamasy elimizdiń damýy úshin asa mańyzdy. Qasym-Jomart Kemeluly saiasattaǵy utqyrlyqty áleýmettik-ekonomikalyq damýdaǵy naqty qadamdarmen úilestirýdi jón sanaidy. Iaǵni, túbegeili ózgeristerge jol ashqan reformalardyń oryndalýy elimizdiń ál-aýqatynan da kórinis tabýǵa tiis. Osy rette bir jyl buryn jańadan jasaqtalǵan Úkimetke óte úlken jaýapkershilik júktelip otyr. Óitkeni Prezidentimiz aitqandai, qazirgi kezeń jahan jurtshylyǵyna jeńil tiip otyrǵan joq. Iri derjavalar arasyndaǵy ártúrli teketires, sonyń ishinde ekonomikalyq sanktsiialar saiasatyn kúsheitý, ár jerde mazdaǵan kikiljińder men beibit turǵyndardyń mazasyn qashyrǵan qarýly qaqtyǵystar búginde álem elderin qatty alańdatady.
Sondai-aq sońǵy jyldary klimattyq ózgerister de anyq baiqala bastady. Tehnologiialyq jarys nátijeleri buryn-sońdy bolmaǵan básekelestik týdyrdy. Mine, osy ispetti syn-qaterler elimizdi barlyq salada betpe-bet keletin kúrdeli kúrmeýlerdi der kezinde, tipti aldyn ala sheship otyrýǵa mindetteidi. Shiyryp aitqanda, kórpege qarai kósiletin ýaqyt keldi. Memleket basshysy biýdjet qarajatyn ońtaily jumsaý, memlekettik qurylymnyń tiimdiligin arttyrý, artyq shyǵyndy boldyrmaýǵa basa mán berý keregin qadap aitty. Prezident baiandamasynyń negizgi júlgesi osyǵan saiady», — dedi Berik Ýáli buǵan deiingi suhbatynda.
