Qazaq ádebietiniń qaitalanbas tulǵasy, ult ádebietin álemdik deńgeige kótergen qalamgerlerimiz Berdibek Soqpaqbaevtyń «Ólgender qaityp kelmeidi» romany túrik tiline aýdaryldy, dep habarlaidy Dalanews.kz.
Óziniń kindik qany tamǵan qasietti Narynqol topyraǵynda Qalamgerdiń 100 jyldyǵy aiasynda Almaty oblysynyń ákimdigi men «TÚRKSOI» halyqaralyq uiymy birlese uiymdastyrǵan plener jáne «Ólgender qaityp kelmeidi» kitabynyń tusaýy kesildi.
Kitaptyń tusaýkeser rásimine Almaty oblysy ákiminiń birinshi orynbasary Nurlan Erǵaliuly, «TÚRKSOI» uiymynyń bas hatshysy Sultan Raev, QR TÚRKSOI uiymynyń ókili Baqytjan Omar, shyǵarmany túrik tiline aýdarǵan Hýsein Varol, tanymal kúishi Seken Turysbekov, Jazýshylar odaǵynyń múshesi, aqyn, Qazaqstan Respýblikasy Jazýshylar odaǵy tóraǵasynyń orynbasary Baýyrjan Jaqyp, aqyn, Túrki elderiniń jazýshylar odaǵynyń tóraǵasy Esdaýlet Ulyqbek jáne ziialy qaýym ókilderi qatysty.
Eki baýyrlas el arasyndaǵy mádeni bailanysty damytýdyń mańyzdylyǵyna, eki jaqtan kelgen qonaqtar asa mán berdi.
Sonymen qatar, Túrkiia, Qyrǵyzstan, Ózbekstan, Ázirbaijan elderi men óńir sýretshileriniń týyndylarynan plener uiymdastyryldy. Qylqalam sheberlerine «Qazaqstannyń eńbek sińirgen qairatkeri», Qazaqstan Sýretshiler odaǵynyń tóraǵasy Ómirbek Jubaniiazov alǵys hat tabystady.
Shara sońy Seken Turysbektiń jetekshiligimen «Aqjaýyn» kameralyq orkestriniń kontsertine ulasty.
«TÚRKSOI» uiymynyń Berdibek Soqpaqbaevtyń mereitoiy aiasyndaǵy sharalardy uiymdastyrýǵa qoldaý kórsetýi - túbi bir eki memlekettiń mádeni jaqyndyǵynyń aiqyn nyshany! Osyndai tyǵyz, dostyq qarym-qatynasymyz nyǵaia bersin
