Benzınniń qymbattaýy taksı baǵasyna áser etpeıdi. Bul týraly kólik mınıstri Marat Qarabaev aıtty, dep habarlaıdy Dalanews.kz.
Marat Qarabaev ózin-ózi retteıtin uıymnyń qurylýynyń arqasynda taksımen júrý arzandaýy múmkin ekenin aıtty.
Mınıstrdiń sózinshe, taksı baǵasyn memleket emes, naryq retteıdi.
«Keshe biz ózin-ózi retteıtin uıym týraly zań jobasyn talqyladyq. Onyń aıasynda ınternet-agregatorlar men taksı júrgizýshileri bir shaqyrymnyń quny men agregatorlardyń paıyzdyq mólsherlemesi týraly kelisimge kele alady», - dedi Kólik mınıstrliginiń basshysy.
Jýrnalıser mınıstrlik uıym qurý arqyly baǵaǵa naqty áser ete ala ma dep surady. Óıtkeni kóptegen taksı júrgizýshileri bul bastamaǵa qarsy shyqqan bolatyn.
«Zań jobasyna sáıkes, uıymǵa barlyq taksı júrgizýshileri emes, tek zańdy tulǵalar – eki myń kompanıa men 200 myń avtokólik kiredi», - dep túsindirdi mınıstr.
Degenmen, taksı agregattary baǵany kóterýge kirisip ketken.
