بەنزيننىڭ قىمباتتاۋى تاكسي باعاسىنا اسەر ەتپەيدى. بۇل تۋرالى كولىك ءمينيسترى مارات قارابايەۆ ايتتى، دەپ حابارلايدى Dalanews.kz.
مارات قارابايەۆ ءوزىن-وزى رەتتەيتىن ۇيىمنىڭ قۇرىلۋىنىڭ ارقاسىندا تاكسيمەن ءجۇرۋ ارزانداۋى مۇمكىن ەكەنىن ايتتى.
ءمينيستردىڭ سوزىنشە، تاكسي باعاسىن مەملەكەت ەمەس، نارىق رەتتەيدى.
«كەشە ءبىز ءوزىن-وزى رەتتەيتىن ۇيىم تۋرالى زاڭ جوباسىن تالقىلادىق. ونىڭ اياسىندا ينتەرنەت-اگرەگاتورلار مەن تاكسي جۇرگىزۋشىلەرى ءبىر شاقىرىمنىڭ قۇنى مەن اگرەگاتورلاردىڭ پايىزدىق مولشەرلەمەسى تۋرالى كەلىسىمگە كەلە الادى»، - دەدى كولىك مينيسترلىگىنىڭ باسشىسى.
جۋرناليستەر مينيسترلىك ۇيىم قۇرۋ ارقىلى باعاعا ناقتى اسەر ەتە الا ما دەپ سۇرادى. ويتكەنى كوپتەگەن تاكسي جۇرگىزۋشىلەرى بۇل باستاماعا قارسى شىققان بولاتىن.
«زاڭ جوباسىنا سايكەس، ۇيىمعا بارلىق تاكسي جۇرگىزۋشىلەرى ەمەس، تەك زاڭدى تۇلعالار – ەكى مىڭ كومپانيا مەن 200 مىڭ اۆتوكولىك كىرەدى»، - دەپ ءتۇسىندىردى مينيستر.
دەگەنمەن، تاكسي اگرەگاتتارى باعانى كوتەرۋگە كىرىسىپ كەتكەن.
