Bul týraly Eýraziia birinshi arnasy habarlaidy.
"Benzin baǵasy 10 teńgege qymbattaýy múmkin". Mundai aqparatty Úkimette ulttyq ekonomika ministrliginiń ókili málimdedi. Azamat Ámrinniń aitýynsha, úkimettiń qaýlysyna sáikes, aktsizder 8-den 18 teńgege deiin ósedi. Egerde jeltoqsan aiynyń basynda atalmysh qaýly qabyldansa, benzin litriniń quny 150 teńgeden 160-qa deiin bir-aq sharyqtaidy.
Azamat Ámrin, QR Ulttyq ekonomika ministrligi Salyq jáne keden saiasaty departamentiniń direktory:
"Biz aktsiz stavkasyn 10 500 teńgeden 24 435 teńgege deiin kóteremiz, demek bir litr benzin quny 10 teńgege ósedi, iaǵni aktsizder 8-den 18 teńgege deiin qymbattaidy. Osylaisha, baǵa shamamen 6% ósedi. Sonda 150 teńgelik bir litr benzin 160 teńgege deiin ósedi. Biraq bul jerde aktsizdik qun benzin baǵasynyń jalǵyz quramdas bóligi emes ekenin basa aita ketkim keledi".
Aita keteiik, qymbatshylyq AI-92-shi benzinine ǵana tiesili bolmaq. Baǵanyń bulaisha ósýine elimizdegi túrli áleýmettik máselelerge jumsalǵan shyǵyndar sebep eken. Sondai-aq, jyl sońyna deiin memlekettik qyzmetterdiń 80%-na halyq internet arqyly qol jetkizedi. Bul jaiynda ministr Asqar Jumaǵaliev málimdedi. Al premer-ministr Asqar Mamin biylǵy josparlanǵan jumystardyń jartysy ǵana oryndalǵanyn aityp, birneshe vedomstvo basshylaryna tez arada máseleni qolǵa alýdy tapsyrdy.
Asqar Mamin, QR premer-ministri:
"Biylǵa josparlanǵan jumystardyń jartysy ǵana oryndalǵan. Al qalǵan 50% uzaqqa sozylyp ketti nemese olarǵa biýdjetti josparlaý sapasy tómen. Qarjy, Investitsiialar jáne infraqurylymdyq damý, Energetika, Ekologiia, Bilim jáne ǵylym, Ishki ister ministrlikteri jyl sońyna deiin Jospardyń 100% oryndalýyn qamtamasyz etýi qajet".
Al 2016 jyldan beri jumys ornynda smartfon paidalanýǵa tiym salynǵan memlekettik qyzmetkerlerge endi bailanys quraldary qaitarylady. Tek memlekettik organdar ornalasqan ǵimarat ieleri politseilermen kelisimge kelýi tiis. Sodan keiin ǵana ony qoldanýǵa pármen berilmek, deidi Asqar Jumaǵaliev.
Asqar Jumaǵaliev, QR Tsifrlyq damý, innovatsiialar jáne aeroǵarysh ónerkásibi ministri:
"Qaýly búgin bekitildi. Ǵimarat ieleri men politsiia taiaýda nusqaýlyqqa qol qoiady. Tek osy sátte aqparattyq qaýipsizdik máselesin nazardan shyǵarmaý kerek".
Sondai-aq, jańa úsh tsifrlyq vitse-ministr taǵaiyndalý kózdelýde. Atap aitqanda Indýstriia jáne infraqurylymdyq damý, Energetika jáne Ishki ister ministrlikterine jańa orynbasarlar keledi.
Olardyń naqty kim bolatyny jáne de qandai qyzmet atqaratyny jaily ashyp aitpady,sondyqtan jańa basshylar jaily aqparat aldaǵy ýaqytta belgili bolady.
