Búginde shetel asqan qazaq balalarynyń taǵdyry kópti tolǵandyryp turǵany jasyryn emes. Sonyń ishinde belgıalyqtar asyrap alǵan Jánibek esimdi bala áli kúnge anasyn tappady. Alaıda kún saıyn túrli derek pen shyndyq ashylyp jatyr. Tanymal jýrnalıs Qymbat Dosjan áleýmettik jelidegi paraqshasynda taǵy bir aqparatty jarıalady, - dep habarlaıdy Dalanews.kz.

Onyń sózinshe, Qostanaı oblysy Arqalyq qalasynan shetelge, sonyń ishinde Belgıaǵa ketken Jánibek esimdi taǵy bir bala bar. Bul joly onyń anasy, naǵashy jurty tabylypty.

"Arqalyqtan Belgıaǵa ketken asyrandy balalar ishinde Jánibek esimdi taǵy bir balanyń bolǵany anyqtaldy. Ekinshi Jánibektiń týǵan anasy, naǵashylary tabyldy, búgin DNQ analız tapsyrdy.  Shaqshaq Jánibektiń qurmetine atalyp, týǵan jer men anasynan, dini men tilinen jyraqtap ketken Jánibekter", - dep jazdy jýrnalıs.

Belgıalyqtar asyrap alǵan Jánibektiń jaǵdaıy búkil qazaq jurtyn oılandyryp tastaǵan edi. Bul aqparatty alǵashynda Oljas Berkinbaev áleýmettik jelide jarıalady. Keıin "Barmysyń, baýyrym?" baǵdarlamasy balanyń anasyn izdeý baǵytynda jumys istedi. Jánibek vıza merzimi aıaqtalýyna baılanysty týǵan jerinen ketýge májbúr boldy. Biraq izdeý jumystary jalǵasyp jatyr.

Sýret: Qymbat Dosjannyń áleýmettik jelidegi paraqshasynan