Onyń sózinshe, Qostanai oblysy Arqalyq qalasynan shetelge, sonyń ishinde Belgiiaǵa ketken Jánibek esimdi taǵy bir bala bar. Bul joly onyń anasy, naǵashy jurty tabylypty.
"Arqalyqtan Belgiiaǵa ketken asyrandy balalar ishinde Jánibek esimdi taǵy bir balanyń bolǵany anyqtaldy. Ekinshi Jánibektiń týǵan anasy, naǵashylary tabyldy, búgin DNQ analiz tapsyrdy. Shaqshaq Jánibektiń qurmetine atalyp, týǵan jer men anasynan, dini men tilinen jyraqtap ketken Jánibekter", - dep jazdy jýrnalist.
Belgiialyqtar asyrap alǵan Jánibektiń jaǵdaiy búkil qazaq jurtyn oilandyryp tastaǵan edi. Bul aqparatty alǵashynda Oljas Berkinbaev áleýmettik jelide jariialady. Keiin "Barmysyń, baýyrym?" baǵdarlamasy balanyń anasyn izdeý baǵytynda jumys istedi. Jánibek viza merzimi aiaqtalýyna bailanysty týǵan jerinen ketýge májbúr boldy. Biraq izdeý jumystary jalǵasyp jatyr.
Sýret: Qymbat Dosjannyń áleýmettik jelidegi paraqshasynan
