ونىڭ سوزىنشە، قوستاناي وبلىسى ارقالىق قالاسىنان شەتەلگە، سونىڭ ىشىندە بەلگياعا كەتكەن جانىبەك ەسىمدى تاعى ءبىر بالا بار. بۇل جولى ونىڭ اناسى، ناعاشى جۇرتى تابىلىپتى.
"ارقالىقتان بەلگياعا كەتكەن اسىراندى بالالار ىشىندە جانىبەك ەسىمدى تاعى ءبىر بالانىڭ بولعانى انىقتالدى. ەكىنشى جانىبەكتىڭ تۋعان اناسى، ناعاشىلارى تابىلدى، بۇگىن دنق اناليز تاپسىردى. شاقشاق جانىبەكتىڭ قۇرمەتىنە اتالىپ، تۋعان جەر مەن اناسىنان، ءدىنى مەن تىلىنەن جىراقتاپ كەتكەن جانىبەكتەر"، - دەپ جازدى جۋرناليست.
بەلگيالىقتار اسىراپ العان جانىبەكتىڭ جاعدايى بۇكىل قازاق جۇرتىن ويلاندىرىپ تاستاعان ەدى. بۇل اقپاراتتى العاشىندا ولجاس بەركىنبايەۆ الەۋمەتتىك جەلىدە جاريالادى. كەيىن "بارمىسىڭ، باۋىرىم؟" باعدارلاماسى بالانىڭ اناسىن ىزدەۋ باعىتىندا جۇمىس ىستەدى. جانىبەك ۆيزا مەرزىمى اياقتالۋىنا بايلانىستى تۋعان جەرىنەن كەتۋگە ءماجبۇر بولدى. ءبىراق ىزدەۋ جۇمىستارى جالعاسىپ جاتىر.
سۋرەت: قىمبات دوسجاننىڭ الەۋمەتتىك جەلىدەگى پاراقشاسىنان
