Májilis depýtaty Aidarbek Qojanazarov belgili agrosarapshy Almasbek Sadyrbaevtyń ustalýy jaily pikir bildirdi, - dep habarlaidy Dalanews.kz Qaz365.kz-ke siltep.
«Aýyl sharýashylyǵy salasynda jumys istegennen keiin bir-birimizdi qoldap júrgen azamattarmyz. Biraq qair bolyp jatqan nárseler – paraqorlyq, sýbsidiia urlaý boiynsha quziretti organdar baǵa berý kerek. Mende eshqandai aqparat joq. Kim bolsa da, men bolsam da, depýtat, ministr, Almasbek bolsa da, eger osyndai qylmystar oryn alsa, onda adam jazaǵa tartylýy kerek. Al eger qylmys bolmasa, ádilettilik óz ornyn tabady dep oilaimyn», – dedi ol Parlamentte.
Eske salaiyq, búgin qarjylyq monitoring agenttigi Almaty oblysy boiynsha departamenti oblystyq prokýratýramen birlesip, "Shańyraq" qoǵamdyq birlestiginiń basshysy Almasbek Sadyrbaevtyń asa iri mólsherde alaiaqtyq áreketin áshkereledi.
Ol ózi basqaratyn adamdar toby Balqash, Eńbekshiqazaq, Kegen, Raiymbek jáne Uiǵyr aýdandarynda jalǵan aýyl sharýashylyǵy kooperativterin qurdy degen kúdikke ilingen.
Negizgi maqsat - usaq maldyń analyq basyn uryqtandyrýǵa sýbsidiialardy zańsyz alý jáne jemshóp shyǵyndaryn óteý.
Bul úshin zańnamaǵa qaishy aýylsharýashylyq jerleri joq sharýa qojalyqtary tartyldy.
Budan ári jalǵan kadastrlyq nómirlerdi kórsete otyryp, dáieksiz málimetterdi qamtityn sýbsidiialar alýǵa ótinimder qashyqtan berildi.
Bul rette aýyl sharýashylyǵy kooperativteri basshylaryn habardar etpei, olardyń ETsQ-sy paidalanyldy. Osylaisha 1,2 mlrd teńgeden astam qarajat urlanǵan.
Almasbek Sadyrbaev ustaldy. Onyń sybailasy tergeý sotynyń sanktsiiasymen úi qamaýynda.
QPK-niń 201-babyna sáikes ózge de málimetter jariia etilýge jatpaidy.
