Aqyn Birjan Qaldybaev 500 myń adamnyń atynan prezidentke úndeý jasady. Ol qazirgi prezidenttiń qaita sailanǵany durys dep esepteidi jáne oǵan óz dálelderin keltirgen, dep habarlaidy Dalanews.kz.
"Memleket basshysy konstitýtsiialyq reforma boiynsha sońǵy sheshimdi el azamattary jalpyulttyq referendým arqyly qabyldaitynyn atap ótti. Osyǵan orai men Kókpar federatsiiasynyń atynan jáne 500 myńnan asa qazaqtyń atynan prezidentimiz Qasym-Jomart Kemelulyna óz joldaýymyzdy joldaimyz.
Qurmetti prezident, jańa Qazaqstanda jańa júieni ózińiz qalyptastyryp jatqanyńyzdy búkil el biledi. Elimiz úshin bastaǵan bastamalaryńyz bizdi tolyq qanaǵattandyrady. Qurmetti jurtshylyq, biz kópultty zaiyrly memleketpiz. Sondyqtan elimizdegi ózge ult ókilderi, memlekettik basqarý júiesinde otyrǵan azamattar, barlyq partiia men saiasi uiymdar prezidentimizdiń el halqy ózi sheshedi degen sózine bei-jai qaramaidy dep senemiz", - deidi aqyn.
Ol babalar árýaǵy razy bolýy úshin Toqaevtyń qaita prezident sailaýyna túsýin qoldaý qajet dep sanaidy.
"Eger keshegi bes arystyń rýhy razy bolsyn, el úshin janyn qiǵan handarymyz ben babalarymyzdyń árýaǵy tynysh jatsyn desek bárimiz biraýyzdan prezidentimiz Qasym-Jomart Kemeluly Toqaevtyń qaita prezident sailaýyna túsýin qoldaýymyz qajet dep sanaimyz. Halyq bolyp prezidentimizdiń qaita sailaýyn úndeý joldaimyz jáne barsha jurtshylyqty tolyq qoldaýǵa shaqyramyz. Sebebi qazirgi tańda basqa prezident kelip, jańa júie qalyptastyrǵansha qanshama ýaqyt joǵaltamyz. Al ol basshynyń qandai adam ekenin, álemdik deńgeide ózge memlekettermen qarym-qatynasty qalai júrgizetini biz úshin beimálim.
Al qazirgi prezidentimizdi biz jaqsy bilemiz, ári tanimyz. Onyń jeti tilden asa tildi meńgerip, sóileý alýy shet memleketter men joǵary deńgeide qarym-qatynas ornata alatynynnyń aiqyn dáleli. Prezidentimiz kóptegen eldiń basshylarymen tyǵyz ári dostyq bailanysta", - deidi aqyn.
