Qazaqstanda "Ádilet" atty jańa saiasi partiia qurý jospary jariialandy. Bul týraly bastamashyl top resmi málimdeme jasady, dep habarlaidy Dalanews.kz.
Málimdemede jańa partiia progressivti reformalardy qoldap, Ádiletti Qazaqstan ideiasyn ilgeriletýdi, zań ústemdigin nyǵaitýdy jáne azamattardyń sheshim qabyldaý úderisine qatysýyn keńeitýdi kózdeitini aitylǵan. Negizgi maqsaty - jańa Konstitýtsiia qaǵidattaryna súiene otyryp, azamattardyń quqyǵy men bostandyǵyn qorǵaý.
"Jaýapty azamattardyń kúshin biriktirip, ekonomikasy myqty, múmkindigi keń, álemde bedeli joǵary ádiletti memleket qurýdy kózdeimiz", - delingen málimdemede.
Partiianyń basty basymdyqtary qatarynda qazaqstandyqtarǵa teń múmkindik jasaý, óńirlik jáne toptyq aiyrmashylyqtardyń yqpalyn azaitý, táýelsiz ári tiimdi sot, quqyq qorǵaý júiesin qalyptastyrý, sondai-aq, ekonomikalyq ádildik pen turaqty damý bar.
Bastamashyl top 16 sáýirde Ádilet ministrligine tirkeý rásimin bastaý týraly ótinish joldamaq. Jaqyn ýaqytta quryltai sezin ótkizý josparlanyp otyr.
Aita keteiik, top quramyna qoǵam qairatkerleri, sarapshylar men túrli uiym ókilderi engen.
