Vengriia premer-ministri Viktor Orban parlamenttik sailaýda jeńilgenin moiyndady. Bul týraly ol jeksenbi keshinde Býdapeshtte ótken jaqtastarynyń mitinginde aitty, dep habarlaidy Dalanews.kz.
Mundai málimdeme Ulttyq sailaý komissiiasynyń alǵashqy deregi jariialanyp, proeýropalyq konservativtik oppozitsiialyq "Tisa" partiiasy aiqyn basymdyqqa ie bolǵannan keiin jasaldy.
"Sailaý nátijeleri áli tolyq emes, biraq bári túsinikti. Biz úshin nátije aýyr ári aiqyn: eldi ári qarai basqarý múmkindigi berilmedi. Men jeńiske jetken partiiany quttyqtadym", - dedi Orban.
Óz kezeginde "Tisa" partiiasynyń jetekshisi Peter Madiar Dýnai jaǵasynda ótken mitingte Orban úkimetin shuǵyl otstavkaǵa ketýge shaqyrdy. Ol ótpeli úkimet qurý qajettigin aitty.
Aldyn ala esep boiynsha "Tisa" partiiasy parlamentte basym oryn alatyny belgili boldy.
Vengriia parlamenttik sailaýynda Viktor Orbannyń basty qarsylasy, "Tisa" oppozitsiialyq partiiasynyń jetekshisi Peter Madiar jeńiske jetse de, Resei úshin "eshqandai kúrt ózgeris bolmaidy". Mundai pikirdi Gazeta.Ru basylymyna bergen suhbatynda Reseidiń Syrtqy jáne qorǵanys saiasaty keńesiniń tóraǵasy, "Valdai" halyqaralyq pikirtalas klýbynyń ǵylymi direktory Fedor Lýkianov aitqan.
Al sarapshylardyń sózinshe, Peter Madiar Vengriianyń Eýroodaqtaǵy ornyn qoldaidy, ol "Reseimen bailanysty úzý kerek" degen pikirde.
