Belarýste jol erejesin birneshe ret buzǵany úshin jaýapqa tartylǵan qazaqstandyq áielge qatysty oqiǵanyń jalǵasy belgili boldy, dep habarlaidy dalanews.kz.
Buǵan deiin Minskide 32 jastaǵy Qazaqstan azamaty «blatnoi» nómir taqqan «Gelendvagen» kóligimen jol qozǵalysy erejelerin birneshe márte buzǵany úshin jaýapkershilikke tartylǵany habarlanǵan edi.
Endi Belarýs Ishki ister ministrligi mundai jaǵdailarda shetel azamattaryna elden shyǵaryp jiberý jazasy da qoldanylýy múmkin ekenin málimdedi.
Alaida vedomstvo áieldiń asyraýynda tórt kámeletke tolmaǵan balasy baryn eskerip, oǵan taǵy bir múmkindik bergen.
Resmi organdar qazaqstandyq áielge resmi eskertý jasap, jol erejesin qaita buzǵan jaǵdaida el aýmaǵynan shyǵarylýy múmkin ekenin jetkizdi.
Osylaisha, quqyq qorǵaý organdary bul jaǵdaidy sońǵy eskertý retinde baǵalap otyr.
