Oljas Bektenov salyq amnistiiasyn engizý týraly usynysqa jaýap berdi, dep habarlaidy Dalanews.kz.
2001-2014 jyldar aralyǵynda Qazaqstanda kapitaldy jariia etýdiń úsh kezeńi ótkizilgen, onyń qorytyndysy boĭynsha biýdjetke 6,674 trln teńge, sonyń ishinde birinshi kezeńde 70 mlrd teńge, ekinshi kezeńde 904 mlrd teńge jáne úshinshi kezeńde 5,7 trln teńge túsken.
"Ofshorlyq aĭmaqtardan jáne basqa da sheteldik iýrisdiktsiialardan kapitaldy qaĭtarý úshin raqymshylyq jasaý týraly usynys eldiń qarjylyq ornyqtylyǵyn nyǵaĭtý jáne investitsiialyq áleýetin arttyrý jónindegi yqtimal quraldardyń biri sanalady. Sonymen qatar, bul másele keshendi ári salmaqty tásildi talap etedi", - dedi ol.
Oljas Bektenov ofshorlyq aĭmaqtardan jáne sheteldik iýrisdiktsiialardan kapitaldy qaĭtarý úshin raqymshylyq jariialaý týraly másele muqiiat ári jan-jaqty taldaýdy talap etetinin málimdedi.
"Raqymshylyq jasaý kezinde jasalǵan qylmystyq is-áreketterdiń, ásirese, eger olar uĭymdasqan qylmystyq top quramynda jasalǵan bolsa ne terroristik árekettermen, esirtki qylmystarymen jáne basqa da aýyr quqyqbuzýshylyqtarmen baĭlanysty bolsa, aýyrlyǵyn eskerý qajet. Sonymen qatar, tórelik daýlardyń táýekelderin, halyqaralyq kelisimder saqtalýyn, qaĭtarylatyn aktivter ornalasqan elderdiń ulttyq zańnamasyn eskere otyryp, qarjylyq shyǵyndardy zerdeleý qajet", - dedi Úkimet basshysy.
Aita keteiik, buǵan deiin "Aq jol" depýtattyq fraktsiiasy offshorlyq aĭmaqtardan jáne basqa da sheteldik iýrisdiktsiialardan kapitaldy qaĭtarý úshin raqymshylyq jariialaýdy usyndy.
