ولجاس بەكتەنوۆ سالىق امنيستياسىن ەنگىزۋ تۋرالى ۇسىنىسقا جاۋاپ بەردى، دەپ حابارلايدى Dalanews.kz.

2001-2014 جىلدار ارالىعىندا قازاقستاندا كاپيتالدى جاريا ەتۋدىڭ ءۇش كەزەڭى وتكىزىلگەن، ونىڭ قورىتىندىسى بوي̆ىنشا بيۋدجەتكە 6،674 ترلن تەڭگە، سونىڭ ىشىندە ءبىرىنشى كەزەڭدە 70 ملرد تەڭگە، ەكىنشى كەزەڭدە 904 ملرد تەڭگە جانە ءۇشىنشى كەزەڭدە 5،7 ترلن تەڭگە تۇسكەن.

"وفشورلىق اي̆ماقتاردان جانە باسقا دا شەتەلدىك يۋريسديكسيالاردان كاپيتالدى قاي̆تارۋ ءۇشىن راقىمشىلىق جاساۋ تۋرالى ۇسىنىس ەلدىڭ قارجىلىق ورنىقتىلىعىن نىعاي̆تۋ جانە ينۆەستيسيالىق الەۋەتىن ارتتىرۋ جونىندەگى ىقتيمال قۇرالداردىڭ ءبىرى سانالادى. سونىمەن قاتار، بۇل ماسەلە كەشەندى ءارى سالماقتى ءتاسىلدى تالاپ ەتەدى"، - دەدى ول.

ولجاس بەكتەنوۆ وفشورلىق اي̆ماقتاردان جانە شەتەلدىك يۋريسديكسيالاردان كاپيتالدى قاي̆تارۋ ءۇشىن راقىمشىلىق جاريالاۋ تۋرالى ماسەلە مۇقيات ءارى جان-جاقتى تالداۋدى تالاپ ەتەتىنىن مالىمدەدى.

"راقىمشىلىق جاساۋ كەزىندە جاسالعان قىلمىستىق ىس-ارەكەتتەردىڭ، اسىرەسە، ەگەر ولار ۇي̆ىمداسقان قىلمىستىق توپ قۇرامىندا جاسالعان بولسا نە تەرروريستىك ارەكەتتەرمەن، ەسىرتكى قىلمىستارىمەن جانە باسقا دا اۋىر قۇقىقبۇزۋشىلىقتارمەن باي̆لانىستى بولسا، اۋىرلىعىن ەسكەرۋ قاجەت. سونىمەن قاتار، تورەلىك داۋلاردىڭ تاۋەكەلدەرىن، حالىقارالىق كەلىسىمدەر ساقتالۋىن، قاي̆تارىلاتىن اكتيۆتەر ورنالاسقان ەلدەردىڭ ۇلتتىق زاڭناماسىن ەسكەرە وتىرىپ، قارجىلىق شىعىنداردى زەردەلەۋ قاجەت"، - دەدى ۇكىمەت باسشىسى.

ايتا كەتەيىك، بۇعان دەيىن "اق جول" دەپۋتاتتىق فراكسياسى وففشورلىق اي̆ماقتاردان جانە باسقا دا شەتەلدىك يۋريسديكسيالاردان كاپيتالدى قاي̆تارۋ ءۇشىن راقىمشىلىق جاريالاۋدى ۇسىندى.