Depýtat Baqytjan Bazarbek jer máselelerindegi sot sheshimderine qatysty basty problemany atady, - dep habarlaidy Dalanews.kz Bes.media-ǵa siltep.
Respýblikalyq jer komissiiasy Jer Amanaty tóraǵasynyń orynbasary, depýtat Baqytjan Bazarbek Qazaqstandaǵy jer máseleleri boiynsha sot sheshimderiniń oryndalmaýyna bailanysty QR Bas prokýrory Berik Asylovqa saýal joldady.
Baqytjan Bazarbek sottyń ǵimarattardy nemese jer ýchaskelerin buzý nemese qaitarý týraly sheshimderiniń oryndalmai jatqan naqty mysaldaryn keltirdi.
«Ál-Farabi atyndaǵy QazUÝ mańyndaǵy zańsyz ielengen jer ýchaskesi sot sheshimimen memleket menshigine qaitarylýy kerek edi, al ol jerdegi biznes-ortalyq buzylýy tiis bolatyn. Alaida bul jer áli kúnge deiin memleketke berilmegen, al biznes-ortalyq áli de joiylǵan joq», – dedi depýtat.
Almatydaǵy alma baqtaryna qatysty is boiynsha da osyndai jaǵdai oryn alǵan.
«2021 jyldyń 13 qańtaryndaǵy Almaty mamandandyrylǵan ekonomikalyq sotynyń sheshimi jáne 2023 jyldyń 25 jeltoqsanyndaǵy Almaty qalalyq sotynyń jerdiń maqsatty taǵaiyndaýyn ózgertý jáne satý-satyp alý kelisimshartyn joiý týraly qaýlysy oryndalmaǵan. Sot arqyly alma baqtary zańdy túrde memleketke qaitaryldy, biraq is júzinde jeke jáne zańdy tulǵalardyń qolynda qalyp otyr», – dedi Bazarbek.
Depýtat Almatyda zańsyz salynǵan turǵyn úilerdi buzý boiynsha 86 talaptyń tek 59-y ǵana qanaǵattandyrylǵanyn atap ótti. Onyń aitýynsha, ádilet organdary men sot oryndaýshylary sot sheshimderiniń oryndalý merzimderin ádeii sozyp, kedergiler jasaidy.
Baqytjan Bazarbek Shymkenttegi mysaldy da keltirdi. Onda 2023 jyldyń 17 mamyry men 13 shildesindegi Shymkent mamandandyrylǵan ekonomikalyq sotynyń sheshimderi boiynsha Hyundai dilerlik ortalyǵy men turǵyn úi qurylysy úshin jer ýchaskesin berý týraly qala ákiminiń barlyq qaýlylary joiylǵan. Depýtat bul sheshimderdiń oryndalýy ádeii keiinge shegerilýde dep sanaidy.
«Eshkim ony oryndaýǵa nietti emes, eshkim zańsyz salynǵan turǵyn úi men Hyundai ortalyǵyn buzýǵa kirispei otyr. Kerisinshe, sheneýnikter kýlýarlyq kelissózder júrgizýde, olardyń maqsaty – sot sheshimderin jumsaq jáne zalalsyz ainalyp ótý», – dedi depýtat.
Baqytjan Bazarbektiń aitýynsha, el boiynsha osyndai 900-ge jýyq jaǵdai bar. Ol qoǵamnyń sot sheshimderine degen senimi tómendep bara jatqanyn jáne bul másele túbegeili ózgeristerdi talap etetinin jetkizdi.
Bul máseleni sheshý úshin depýtat Bas prokýratýraǵa birneshe usynyspen júgindi.
Birinshiden, sot sheshimderiniń oryndalýyn qamtamasyz etý úshin Ádilet ministrligine usynys engizýdi surady. Sonymen qatar, Indýstriia jáne qurylys ministrligine zańsyz salynǵan turǵyn úiler men basqa da zańsyz nysandardy buzý týraly nusqaý engizýdi talap etti.
Ekinshiden, general Novikovtyń alma baǵy ornalasqan jer ýchaskesin memleket menshigine qaitarýǵa erekshe nazar aýdarýdy jáne baq sharýashylyǵymen ainalysatyndarǵa bul jerlerdi memleketke ótkennen keiin bólý máselesin qarastyrýdy surady.
