دەپۋتات باقىتجان بازاربەك جەر ماسەلەلەرىندەگى سوت شەشىمدەرىنە قاتىستى باستى پروبلەمانى اتادى، - دەپ حابارلايدى Dalanews.kz Bes.media-عا سىلتەپ.

رەسپۋبليكالىق جەر كوميسسياسى Jer Amanaty ءتوراعاسىنىڭ ورىنباسارى، دەپۋتات باقىتجان بازاربەك قازاقستانداعى جەر ماسەلەلەرى بويىنشا سوت شەشىمدەرىنىڭ ورىندالماۋىنا بايلانىستى ق ر باس پروكۋرورى بەرىك اسىلوۆقا ساۋال جولدادى.

باقىتجان بازاربەك سوتتىڭ عيماراتتاردى نەمەسە جەر ۋچاسكەلەرىن بۇزۋ نەمەسە قايتارۋ تۋرالى شەشىمدەرىنىڭ ورىندالماي جاتقان ناقتى مىسالدارىن كەلتىردى.

«ءال-فارابي اتىنداعى قازۇۋ ماڭىنداعى زاڭسىز يەلەنگەن جەر ۋچاسكەسى سوت شەشىمىمەن مەملەكەت مەنشىگىنە قايتارىلۋى كەرەك ەدى، ال ول جەردەگى بيزنەس-ورتالىق بۇزىلۋى ءتيىس بولاتىن. الايدا بۇل جەر ءالى كۇنگە دەيىن مەملەكەتكە بەرىلمەگەن، ال بيزنەس-ورتالىق ءالى دە جويىلعان جوق»، – دەدى دەپۋتات.

الماتىداعى الما باقتارىنا قاتىستى ءىس بويىنشا دا وسىنداي جاعداي ورىن العان.

«2021 جىلدىڭ 13 قاڭتارىنداعى الماتى مامانداندىرىلعان ەكونوميكالىق سوتىنىڭ شەشىمى جانە 2023 جىلدىڭ 25 جەلتوقسانىنداعى الماتى قالالىق سوتىنىڭ جەردىڭ ماقساتتى تاعايىنداۋىن وزگەرتۋ جانە ساتۋ-ساتىپ الۋ كەلىسىمشارتىن جويۋ تۋرالى قاۋلىسى ورىندالماعان. سوت ارقىلى الما باقتارى زاڭدى تۇردە مەملەكەتكە قايتارىلدى، ءبىراق ءىس جۇزىندە جەكە جانە زاڭدى تۇلعالاردىڭ قولىندا قالىپ وتىر»، – دەدى بازاربەك.

دەپۋتات الماتىدا زاڭسىز سالىنعان تۇرعىن ۇيلەردى بۇزۋ بويىنشا 86 تالاپتىڭ تەك 59-ى عانا قاناعاتتاندىرىلعانىن اتاپ ءوتتى. ونىڭ ايتۋىنشا، ادىلەت ورگاندارى مەن سوت ورىنداۋشىلارى سوت شەشىمدەرىنىڭ ورىندالۋ مەرزىمدەرىن ادەيى سوزىپ، كەدەرگىلەر جاسايدى.

باقىتجان بازاربەك شىمكەنتتەگى مىسالدى دا كەلتىردى. وندا 2023 جىلدىڭ 17 مامىرى مەن 13 شىلدەسىندەگى شىمكەنت مامانداندىرىلعان ەكونوميكالىق سوتىنىڭ شەشىمدەرى بويىنشا Hyundai ديلەرلىك ورتالىعى مەن تۇرعىن ءۇي قۇرىلىسى ءۇشىن جەر ۋچاسكەسىن بەرۋ تۋرالى قالا اكىمىنىڭ بارلىق قاۋلىلارى جويىلعان. دەپۋتات بۇل شەشىمدەردىڭ ورىندالۋى ادەيى كەيىنگە شەگەرىلۋدە دەپ سانايدى.

«ەشكىم ونى ورىنداۋعا نيەتتى ەمەس، ەشكىم زاڭسىز سالىنعان تۇرعىن ءۇي مەن Hyundai ورتالىعىن بۇزۋعا كىرىسپەي وتىر. كەرىسىنشە، شەنەۋنىكتەر كۋلۋارلىق كەلىسسوزدەر جۇرگىزۋدە، ولاردىڭ ماقساتى – سوت شەشىمدەرىن جۇمساق جانە زالالسىز اينالىپ ءوتۋ»، – دەدى دەپۋتات.

باقىتجان بازاربەكتىڭ ايتۋىنشا، ەل بويىنشا وسىنداي 900-گە جۋىق جاعداي بار. ول قوعامنىڭ سوت شەشىمدەرىنە دەگەن سەنىمى تومەندەپ بارا جاتقانىن جانە بۇل ماسەلە تۇبەگەيلى وزگەرىستەردى تالاپ ەتەتىنىن جەتكىزدى.

بۇل ماسەلەنى شەشۋ ءۇشىن دەپۋتات باس پروكۋراتۋراعا بىرنەشە ۇسىنىسپەن جۇگىندى.

بىرىنشىدەن، سوت شەشىمدەرىنىڭ ورىندالۋىن قامتاماسىز ەتۋ ءۇشىن ادىلەت مينيسترلىگىنە ۇسىنىس ەنگىزۋدى سۇرادى. سونىمەن قاتار، يندۋستريا جانە قۇرىلىس مينيسترلىگىنە زاڭسىز سالىنعان تۇرعىن ۇيلەر مەن باسقا دا زاڭسىز نىسانداردى بۇزۋ تۋرالى نۇسقاۋ ەنگىزۋدى تالاپ ەتتى.

ەكىنشىدەن، گەنەرال نوۆيكوۆتىڭ الما باعى ورنالاسقان جەر ۋچاسكەسىن مەملەكەت مەنشىگىنە قايتارۋعا ەرەكشە نازار اۋدارۋدى جانە ب ا ق شارۋاشىلىعىمەن اينالىساتىندارعا بۇل جەرلەردى مەملەكەتكە وتكەننەن كەيىن ءبولۋ ماسەلەسىن قاراستىرۋدى سۇرادى.