Ulttyq bank tóraǵasy Timýr Súleimenov bazalyq mólsherleme tómendeýi teńge baǵamyna qalai áser etetinin aitty, dep habarlaidy dalanews.kz.
Onyń sózinshe, bazalyq mólsherleme 17 paiyz deńgeiinde bolýy teńgedegi aktivterdiń tartymdylyǵyn tómendetpeidi. Sondyqtan depozitter men korporativtik obligatsiialarǵa degen suranys aitarlyqtai ózgermeidi, al bul óz kezeginde valiýta baǵamy kúrt qubylýyna jol bermeidi.
Timýr Súleimenov teńge baǵamyna tek bazalyq mólsherleme emes, biýdjet qarajatynyń ekonomikaǵa túsý qarqyny da áser etetinin atap ótti. Sonymen qatar, ol jaz mezgilinde demalys maýsymy bastalýy shetel valiýtasyna suranysty arttyratynyn aitty. Osy kezeńde azamattar shetelge shyǵý úshin dollar satyp ala bastaidy, saldarynan baǵamda belgili bir ózgerister bolýy múmkin.
Ulttyq bank tóraǵasy eldegi negizgi ekonomikalyq kórsetkishter turaqty ekenin de atap ótti. Onyń sózinshe, munai baǵasy kóterilip keledi.
Aita keteiik, búgin Qazaqstanda eki jyldan keiin alǵash ret bazalyq mólsherleme tómendedi. Ulttyq bank ony jyldyq 18 paiyzdan 17 paiyzǵa deiin túsirdi.
