ۇلتتىق بانك تٶراعاسى تيمۋر سٷلەيمەنوۆ بازالىق مٶلشەرلەمە تٶمەندەۋٸ تەڭگە باعامىنا قالاي ەسەر ەتەتٸنٸن ايتتى, دەپ حابارلايدى dalanews.kz.
ونىڭ سٶزٸنشە, بازالىق مٶلشەرلەمە 17 پايىز دەڭگەيٸندە بولۋى تەڭگەدەگٸ اكتيۆتەردٸڭ تارتىمدىلىعىن تٶمەندەتپەيدٸ. سوندىقتان دەپوزيتتەر مەن كورپوراتيۆتٸك وبليگاتسييالارعا دەگەن سۇرانىس ايتارلىقتاي ٶزگەرمەيدٸ, ال بۇل ٶز كەزەگٸندە ۆاليۋتا باعامى كٷرت قۇبىلۋىنا جول بەرمەيدٸ.
تيمۋر سٷلەيمەنوۆ تەڭگە باعامىنا تەك بازالىق مٶلشەرلەمە ەمەس, بيۋدجەت قاراجاتىنىڭ ەكونوميكاعا تٷسۋ قارقىنى دا ەسەر ەتەتٸنٸن اتاپ ٶتتٸ. سونىمەن قاتار, ول جاز مەزگٸلٸندە دەمالىس ماۋسىمى باستالۋى شەتەل ۆاليۋتاسىنا سۇرانىستى ارتتىراتىنىن ايتتى. وسى كەزەڭدە ازاماتتار شەتەلگە شىعۋ ٷشٸن دوللار ساتىپ الا باستايدى, سالدارىنان باعامدا بەلگٸلٸ بٸر ٶزگەرٸستەر بولۋى مٷمكٸن.
ۇلتتىق بانك تٶراعاسى ەلدەگٸ نەگٸزگٸ ەكونوميكالىق كٶرسەتكٸشتەر تۇراقتى ەكەنٸن دە اتاپ ٶتتٸ. ونىڭ سٶزٸنشە, مۇناي باعاسى كٶتەرٸلٸپ كەلەدٸ.
ايتا كەتەيٸك, بٷگٸن قازاقستاندا ەكٸ جىلدان كەيٸن العاش رەت بازالىق مٶلشەرلەمە تٶمەندەدٸ. ۇلتتىق بانك ونى جىلدىق 18 پايىزدان 17 پايىزعا دەيٸن تٷسٸردٸ.
