Tarqatyp aitar bolsaq, «Aberdin-Angýs» tuqymdy iri qara mal sharýashylyǵy 2015 jyly qurylǵan. Avstraliialyq Aberdin-angýs asyl tuqymdy túrinen 90 bas qunajyn men asyl tuqymdy úsh buqa satyp alǵan kásipker bul etti siyrlardyń jersinýi qiynǵa soqpaǵanyn aitady. Qazirgi tańda 82 bas asyl tuqymdy iri qaradan 68 bas tól alynyp, iri qara sany artyp keledi.
«Ras, keibireýler siyrlaryna jyldam salmaq qosý úshin dári-dármek paidalanatynyn estip jatamyz, al Aberdin-angýsterge onyń qajeti joq. Maldyń bul tóli tabiǵi túrde jyldam salmaq qosý múmkindigine ie. Jergilikti buqalar kúnine 400-500 gramm salmaq qossa, bular kúnine 1,5-2,5 keli aralyǵynda salmaǵyn ulǵaita alady. Genetikasy jaqsy»,-deidi Maqsat Keńesuly.
Aberdin-angýs asyl tuqymdy siyrlarynyń taǵy bir ereksheligi - buzaýlary anasynan kishkentai bolyp týylyp, tez ósedi. Qaqaǵan aiaz ben aptap ystyqqa shydamdy, ári aýrýǵa tózimdi bolyp keledi. Ógizshelerdi kóbeitip, eldegi mal basyn asyldandyrýdy basty ustanymy sanaityn fermer 4 adamdy jumyspen qamtyp, olarǵa ortasha 80 myń teńge ailyq jalaqy berip otyr. Aldaǵy ýaqytta mal basyn 2-3 myń basqa jetkizý josparynda bar. Mundai jaǵdaida malshylar sany taǵy da artatyn bolady.
Sharýashylyqtyń jer kólemi – 2500 gektardy quraidy. Árqaisysy 1 tonnadan astam et beretin asyl tuqymdy buqalar erekshe kútimge alynǵan. Tipti jem-shóbine jumyrtqa men sábiz jáne qyryqqabatqa deiin qosyp beriledi.
Aita keteiik, jalpy Báidibek aýdanyndaǵy asyl tuqymdy 4 iri qara mal sharýashylyǵynda 366 bas iri qara, 3 qoi sharýashylyǵynda 5999 bas qoi ósirilýde. Aldaǵy ýaqytta taǵy da 500 bas «Aberdin-Angýs» baǵytynda iri qara mal satyp alý josparlanyp otyr.
