Shyǵys Qazaqstan oblysyndaǵy Marqakól taýlarynda shyqqan tabiǵi órt tolyq aýmaqta oqshaýlandy, dep habarlaidy dalanews.kz.
Órt Marqakól orman sharýashylyǵynyń Aqjailaý ormanshylyǵy aýmaǵynda qurǵaq shóp pen butalardyń janýynan bastalǵan. Taýly aimaqtyń qoljetimsiz bolýyna bailanysty tilsiz jaýdy sóndirýge Tótenshe jaǵdailar ministrligi, orman sharýashylyǵy qyzmeti, «Qazaviaormanqorǵaý» mamandary men aviatsiia jumyldyryldy.
ShQO TJD baspasóz qyzmetiniń málimetinshe, búgin órtti oqshaýlaý múmkin boldy.
– Búgin órt tolyqtai oqshaýlandy. TJM tikushaqtary áýeden toǵyz ret sý tógip, jalpy kólemi 4,5 tonna sý shashty, – dep habarlady vedomstvo ókilderi.
Qazirgi ýaqytta jaǵdai baqylaýda. Mamandar órttiń qalǵan oshaqtaryn tolyq joiý jumystaryn jalǵastyryp jatyr.
Eske salaiyq, Marqakól óńirindegi órtti sóndirýge birneshe mekemeniń kúshteri men arnaiy aviatsiia tartylǵan bolatyn. Tótenshe jaǵdai qyzmetteri tabiǵi órttiń qaita órshýine jol bermeý úshin aýmaqtaǵy jaǵdaidy turaqty baqylaýda ustap otyr.
