شىعىس قازاقستان وبلىسىنداعى مارقاكٶل تاۋلارىندا شىققان تابيعي ٶرت تولىق اۋماقتا وقشاۋلاندى, دەپ حابارلايدى dalanews.kz.
ٶرت مارقاكٶل ورمان شارۋاشىلىعىنىڭ اقجايلاۋ ورمانشىلىعى اۋماعىندا قۇرعاق شٶپ پەن بۇتالاردىڭ جانۋىنان باستالعان. تاۋلى ايماقتىڭ قولجەتٸمسٸز بولۋىنا بايلانىستى تٸلسٸز جاۋدى سٶندٸرۋگە تٶتەنشە جاعدايلار مينيسترلٸگٸ, ورمان شارۋاشىلىعى قىزمەتٸ, «قازاۆياورمانقورعاۋ» ماماندارى مەن اۆياتسييا جۇمىلدىرىلدى.
شقو تجد باسپاسٶز قىزمەتٸنٸڭ مەلٸمەتٸنشە, بٷگٸن ٶرتتٸ وقشاۋلاۋ مٷمكٸن بولدى.
– بٷگٸن ٶرت تولىقتاي وقشاۋلاندى. تجم تٸكۇشاقتارى ەۋەدەن توعىز رەت سۋ تٶگٸپ, جالپى كٶلەمٸ 4,5 توننا سۋ شاشتى, – دەپ حابارلادى ۆەدومستۆو ٶكٸلدەرٸ.
قازٸرگٸ ۋاقىتتا جاعداي باقىلاۋدا. ماماندار ٶرتتٸڭ قالعان وشاقتارىن تولىق جويۋ جۇمىستارىن جالعاستىرىپ جاتىر.
ەسكە سالايىق, مارقاكٶل ٶڭٸرٸندەگٸ ٶرتتٸ سٶندٸرۋگە بٸرنەشە مەكەمەنٸڭ كٷشتەرٸ مەن ارنايى اۆياتسييا تارتىلعان بولاتىن. تٶتەنشە جاعداي قىزمەتتەرٸ تابيعي ٶرتتٸڭ قايتا ٶرشۋٸنە جول بەرمەۋ ٷشٸن اۋماقتاعى جاعدايدى تۇراقتى باقىلاۋدا ۇستاپ وتىر.
