Jibektei úlbiregen Baianǵa barsha qazaq ishtarta qaraityny anyq. Munyń syry nede? Ol oryssha sóilese de, oǵan emetaimyz ezilip turady. Uzaq jyldardan beri qazaq estradasynda án salyp, habar júrgizgen óner iesiniń jarqyrai kórinýine onyń ulttyq bolymysqa moiyn burýy áser etkeni daýsyz. Baian kileń qazaq qyzdarynan top quryp, óner básekesinde baǵyn synady. Top jaryp, jurttyń alǵysyna bólengenine kýá boldyq. Shetelden ártis aldyrmai-aq, qazaq aketrlerimen kino túsirdi. Jurttyń bári súiip tamashalaityn film shyqty. Keibir apaitós, ataq-abyroiynan at úrketin kásibi (Máskeýden oqyp kelgen) rejiserler memlekettiń milliondaǵyn qarjysyn jelge shashyp, bolmashy film túsirdi. Kino shyqqannan keiin basy úlken daý-damaiǵa qalǵanyn kórdik. Kinosy miliondaǵan qarjynyń bir shiregin de aqtamasa da, aǵalarymyzdyń murty da qisaiǵan joq. Ózderiniń «soiqan týyndylarynan» keiin úlken ataq-abyroiǵa bólenip, tuǵyrly tulǵasy biiktei tústi.
Búgingi zamanda kino óner týyndysy ǵana emes, ol birinshi kezekte saiasi-ideologiialyq qural, ekinshiden, aqsha tabýdyń tamasha múmkindigi. Sondyqtan óner arqyly paida taýyp, eldiń alǵysyna bólenip júrgen Baian Maqsatqyzyna bir múmkindik beretin kez keldi dep esepteimiz.
Al zaman aǵymymen áreket etetin Baian Maqsatqyzyna eshkim mundai múmkindik jasaǵan joq. Ol túsirgen filmderge «Qazaqfilm» tarapynan bir tiyn da bólinbegenin bárimiz bilemiz. Taiaýda «Qazaqfilmniń» basshysy Ermek Amanshaev Astana qalasynyń ákiminiń orynbasary qyzmetine taǵaiyndaldy. Bizdińshe, «Qazaqfilmniń» basqarýǵa Baian Esentaevanyń kandidatýrasy óte laiyq. «Ǵashyq júregimen», «Ostorojno korovamen» kórermenniń yqylasyna bólengen Baian hanym «Qazaqfilmdi» tizgindese, memleket qarjysyna «ózderi ǵana túsinetin» avtorlyq film túsiretin talai rejiserlerdiń áýselesin basar edi. Búgingi zamanda kino óner týyndysy ǵana emes, ol birinshi kezekte saiasi-ideologiialyq qural, ekinshiden, aqsha tabýdyń tamasha múmkindigi. Sondyqtan óner arqyly paida taýyp, eldiń alǵysyna bólenip júrgen Baian Maqsatqyzyna bir múmkindik beretin kez keldi dep esepteimiz.
Nurlan JUMAHAN
