Áleýmettik jeli qoldanýshylarynyń biri Air Astana áýe kompaniiasynyń bólimshesinde qazaq tiliniń qoldanylmaýyna qatysty shaǵymdandy. Onyń aitýynsha, aqparat taqtalary men jazbalarda memlekettik til eskerilmegen, dep habarlaidy Dalanews.kz.
Jeli qoldanýshysynyń sózinshe, Ystanbul áýejaiyndaǵy Air Astana bólimshesinde aqparat birneshe tilde berilgen. Alaida onyń reti saqtalmaǵan, keibir jazbalarda qazaq tili múlde qoldanylmaǵan.
“Úsh tilde jazyp qoiypty. Qazaqtarǵa qyzmet kórsetpeidi-aý dep oiladym. Birinshi túrikshe, ekinshi qazaqsha, úshinshi aǵylshynsha jazyp qoisa túsinetin edim. Bul reseilik emes, ózimizdiń qazaqstandyq kompaniia emes pe?
Odan bólek registratsiia jasaityn jerde tablolarynda aǵylshynsha jáne oryssha jazyp qoiypty. Qanym qaraiǵany-ai”, - dep jazdy Zhaksytaev esimdi jeli qoldanýshysy.
Rasymen, avtor jelide jariialaǵan aqparattyq taqtada qazaq tili qoldanylmaǵany kórinedi. Bul jait áleýmettik jelide qyzý talqylanyp jatyr.
Aita keteiik, Qazaqstanda memlekettik til –qazaq tili. Sondyqtan qoǵamda otandyq kompaniialar, ásirese ulttyq tasymaldaýshylar qyzmet kórsetý barysynda qazaq tiline basymdyq berýi kerek degen talap jii kóteriledi.
Qazirgi ýaqytta Air Astana atalǵan jaǵdaiǵa qatysty resmi túsinikteme bergen joq.
