![image28975](/uploads/images/20240128165223099.jpg)
جىبەكتەي ۇلبىرەگەن بايانعا بارشا قازاق ءىشتارتا قارايتىنى انىق. مۇنىڭ سىرى نەدە؟ ول ورىسشا سويلەسە دە، وعان ەمەتايمىز ەزىلىپ تۇرادى. ۇزاق جىلداردان بەرى قازاق ەستراداسىندا ءان سالىپ، حابار جۇرگىزگەن ونەر يەسىنىڭ جارقىراي كورىنۋىنە ونىڭ ۇلتتىق بولىمىسقا مويىن بۇرۋى اسەر ەتكەنى داۋسىز. بايان كىلەڭ قازاق قىزدارىنان توپ قۇرىپ، ونەر باسەكەسىندە باعىن سىنادى. توپ جارىپ، جۇرتتىڭ العىسىنا بولەنگەنىنە كۋا بولدىق. شەتەلدەن ءارتىس الدىرماي-اق، قازاق اكەترلەرىمەن كينو ءتۇسىردى. جۇرتتىڭ ءبارى ءسۇيىپ تاماشالايتىن فيلم شىقتى. كەيبىر ءاپايتوس، اتاق-ابىرويىنان ات ۇركەتىن كاسىبي (ماسكەۋدەن وقىپ كەلگەن) رەجيسەرلەر مەملەكەتتىڭ ميلليونداعىن قارجىسىن جەلگە شاشىپ، بولماشى فيلم ءتۇسىردى. كينو شىققاننان كەيىن باسى ۇلكەن داۋ-دامايعا قالعانىن كوردىك. كينوسى ميليونداعان قارجىنىڭ ءبىر شيرەگىن دە اقتاماسا دا، اعالارىمىزدىڭ مۇرتى دا قيسايعان جوق. وزدەرىنىڭ «سويقان تۋىندىلارىنان» كەيىن ۇلكەن اتاق-ابىرويعا بولەنىپ، تۇعىرلى تۇلعاسى بيىكتەي ءتۇستى.
بۇگىنگى زاماندا كينو ونەر تۋىندىسى عانا ەمەس، ول ءبىرىنشى كەزەكتە ساياسي-يدەولوگيالىق قۇرال، ەكىنشىدەن، اقشا تابۋدىڭ تاماشا مۇمكىندىگى. سوندىقتان ونەر ارقىلى پايدا تاۋىپ، ەلدىڭ العىسىنا بولەنىپ جۇرگەن بايان ماقساتقىزىنا ءبىر مۇمكىندىك بەرەتىن كەز كەلدى دەپ ەسەپتەيمىز.
ال زامان اعىمىمەن ارەكەت ەتەتىن بايان ماقساتقىزىنا ەشكىم مۇنداي مۇمكىندىك جاساعان جوق. ول تۇسىرگەن فيلمدەرگە «قازاقفيلم» تاراپىنان ءبىر تيىن دا بولىنبەگەنىن ءبارىمىز بىلەمىز. تاياۋدا «ءقازاقفيلمنىڭ» باسشىسى ەرمەك امانشايەۆ استانا قالاسىنىڭ اكىمىنىڭ ورىنباسارى قىزمەتىنە تاعايىندالدى. بىزدىڭشە، «ءقازاقفيلمنىڭ» باسقارۋعا بايان ەسەنتايەۆانىڭ كانديداتۋراسى وتە لايىق. «عاشىق جۇرەگىمەن»، «وستوروجنو كوروۆامەن» كورەرمەننىڭ ىقىلاسىنا بولەنگەن بايان حانىم «ءقازاقفيلمدى» تىزگىندەسە، مەملەكەت قارجىسىنا «وزدەرى عانا تۇسىنەتىن» اۆتورلىق فيلم تۇسىرەتىن تالاي رەجيسەرلەردىڭ اۋسەلەسىن باسار ەدى. بۇگىنگى زاماندا كينو ونەر تۋىندىسى عانا ەمەس، ول ءبىرىنشى كەزەكتە ساياسي-يدەولوگيالىق قۇرال، ەكىنشىدەن، اقشا تابۋدىڭ تاماشا مۇمكىندىگى. سوندىقتان ونەر ارقىلى پايدا تاۋىپ، ەلدىڭ العىسىنا بولەنىپ جۇرگەن بايان ماقساتقىزىنا ءبىر مۇمكىندىك بەرەتىن كەز كەلدى دەپ ەسەپتەيمىز.
نۇرلان جۇماحان