Áskeri bólim komandiriniń salǵyrttyǵy saldarynan merzimdi áskeri qyzmetshiniń qaza tabýyna bailanysty qylmystyq is sotqa joldandy, dep habarlaidy dalanews.kz.
Biyl 17 aqpanynda Aqtaý garnizonynyń áskeri bólimderiniń birinde komandirdiń qyzmettik mindetterine salǵyrt qaraýy saldarynan sarbaz R. Jaiǵalievtiń qaza bolýyna bailanysty qylmystyq istiń tergeýi aiaqtaldy.
Tergeý barysynda bólim komandiri jeke quramdy baqylaýdy jáne qarýmen jumys isteý tártibin qamtamasyz etý boiynsha jarǵylar men vedomstvolyq buiryqtarda kózdelgen sharalardy qabyldamaǵany anyqtaldy, bul túptep kelgende qaiǵyly oqiǵaǵa sebep boldy.
Áskeri prokýrorlardyń úzdiksiz qadaǵalaýy jáne jedel-tergeý tobynyń úilestirilgen jumysy barysynda qysqa merzimde jetkilikti dálelder jinaqtalyp, qajetti sot saraptamalary júrgizildi.
Nátijesinde qylmystyq is máni boiynsha qaraý úshin sotqa joldandy.
Sonymen qatar, barlaý-shabýyl batalonynyń komandiri, onyń orynbasary jáne rota komandiri qyzmetterinen bosatyldy, 10 laýazymdy tulǵa tártiptik jaýapkershilikke tartyldy.
Áskeri qyzmetshilerdiń qaza tabýyna ákep soqqan qylmystar úshin jazanyń bultartpastyǵy qaǵidatyn qamtamasyz etý jónindegi jumys Bas áskeri prokýratýra tarapynan jalǵastyrylady.
