Baian Maqsatqyzy ólse de toqal bolmaitynyn aitty (video)
Ol bul týraly kásipker ári bloger Beibit Álibekovke bergen suqbatynda aitty.
… Al men uiatty jiyp tastadym
"Bizdiń adamdar ómirin ótirik ádemi qyp kórsetkisi keledi. Óitkeni uiat qoi. Biraq adamnyń ómiri birqalypty bolmaidy, bul tabiǵattyń zańdylyǵy, báribir adam basynda problema bolady, ony sheshýge bireýdiń shamasy jetedi, bireýdiki jetpeidi. Basy isteitin adam bolady, basy istemeitini de bar. Biraq kóbisi óz qalyptaryn sol kúii qabyldai almaidy, qoǵam ony qalai kórgisi keledi, solai ómir súre beredi. Meniń ómirim de sán-saltanatty, kórkem dep aita almaimyn. Ony men qalaǵan joqpyn, biraq solai boldy, nege ekenin bilmeimin. Basqa túskenin kóremiz de, biraq men el qusap, ony búrkemelep, óz ómirim úshin uialǵym kelmeidi. Qalai bar, solai qabyldaimyn. Kitabymdy da sol qalpynda jazyp shyqtym" — deidi Baian.
Sondai-aq Baian Esentaeva 20 myń danamen shyǵarǵan kitabym jazýda kommertsiialyq múdde bolǵanyn da jasyrmady.
— Men taza altýrist emespin ǵoi. Árine, kommertsiialyq múdde boldy. Meniń ómirimdi talqylaýǵa qyzyǵýshylyq kóp eken, nege ony da paidalanbasqa?.. Degenmen, kitabym — eń birinshi kezekte qoǵamǵa bergen meniń jaýabym bul.
Men toqal bolýǵa ólsem kelispes edim
Suqbat kezinde Baian Maqsatqyzy temeki shegetinin moiyndap qaldy.
— Úndemesem, demek keliskenim ǵoi. Biraq bizde uiat nárselerdi aitýǵa bolmaidy. Alaida ol oryn alyp jatady. Mysaly, men kóp toqaldardy bilemin. Ony bári biledi, biraq qoǵam ony durys qabyldaidy. Bul qoǵamdaǵy qalypty jaǵdaiǵa ainalyp barady. Mysaly, men oǵan kelispes edim. Basymnan aiaǵyma deiin aqshama kómip tastasa da…
Kóp bala týmaǵanyma qatty ókinem
— Meni músirkeýdiń de, meni jek kórýdiń de qajeti joq. Óitkeni taǵdyr meni qajetti deńgeide jazalady dep oilaimyn. "Oǵan bul az" dep aitatyndar, qaidan bilsin meniń ne kórgenimdi. Muny eshkimniń basyna bermesin. Bul — meniń ómirim, bul — meniń sabaǵym, bul — meniń synaǵym.
Meniń bir ókinishim bar. Ol — kóp bala týmaǵynymda. Kóp bala týýyma múmkindik boldy, biraq ony men paidalana almadym. Sol úshin qatty ókinem.
Mysaly, qazir meniń eki emes, tórt qyzym bolsa, qazirgiden de áldeqaida baqytty bolar edim. Úlkenim alysta, ony saǵynyp júrmin, qushaqtap, erkeletkim keledi. Kishim de eseiip qaldy. Baqyt degen balada ǵoi negizi…
Eger taǵdyr meni májbúrlese nemese ómirdiń aǵyny meni sondai tańdaýǵa ákelip soqsa, onda men balany asyrap alar edim. Ázirge, ol týraly oilap kórmeppin…
… Mysaly, meniń qyzym qytailyqty, nemisti, frantsýzdy nemese qazaqty súiip qalsa, onda men mahabbatqa jaqtasar edim. Men eshqashan eshqandai aqsha úshin toqal bolmaimyn», — dedi Baian Maqsatqyzy.
https://www.youtube.com/watch?time_continue=1&v=S4EW7838JCE
Derekkózi: kaz.365info.kz
