ول بۇل تۋرالى كاسىپكەر ءارى بلوگەر بەيبىت الىبەكوۆكە بەرگەن سۇقباتىندا ايتتى.
… ال مەن ۇياتتى جيىپ تاستادىم
"ءبىزدىڭ ادامدار ءومىرىن وتىرىك ادەمى قىپ كورسەتكىسى كەلەدى. ويتكەنى ۇيات قوي. ءبىراق ادامنىڭ ءومىرى ءبىرقالىپتى بولمايدى، بۇل تابيعاتتىڭ زاڭدىلىعى، ءبارىبىر ادام باسىندا پروبلەما بولادى، ونى شەشۋگە بىرەۋدىڭ شاماسى جەتەدى، بىرەۋدىكى جەتپەيدى. باسى ىستەيتىن ادام بولادى، باسى ىستەمەيتىنى دە بار. ءبىراق كوبىسى ءوز قالىپتارىن سول كۇيى قابىلداي المايدى، قوعام ونى قالاي كورگىسى كەلەدى، سولاي ءومىر سۇرە بەرەدى. مەنىڭ ءومىرىم دە ءسان-سالتاناتتى، كوركەم دەپ ايتا المايمىن. ونى مەن قالاعان جوقپىن، ءبىراق سولاي بولدى، نەگە ەكەنىن بىلمەيمىن. باسقا تۇسكەنىن كورەمىز دە، ءبىراق مەن ەل قۇساپ، ونى بۇركەمەلەپ، ءوز ءومىرىم ءۇشىن ۇيالعىم كەلمەيدى. قالاي بار، سولاي قابىلدايمىن. كىتابىمدى دا سول قالپىندا جازىپ شىقتىم" — دەيدى بايان.
سونداي-اق بايان ەسەنتايەۆا 20 مىڭ دانامەن شىعارعان كىتابىم جازۋدا كوممەرسيالىق مۇددە بولعانىن دا جاسىرمادى.
— مەن تازا التۋريست ەمەسپىن عوي. ارينە، كوممەرسيالىق مۇددە بولدى. مەنىڭ ءومىرىمدى تالقىلاۋعا قىزىعۋشىلىق كوپ ەكەن، نەگە ونى دا پايدالانباسقا؟.. دەگەنمەن، كىتابىم — ەڭ ءبىرىنشى كەزەكتە قوعامعا بەرگەن مەنىڭ جاۋابىم بۇل.
مەن توقال بولۋعا ولسەم كەلىسپەس ەدىم
سۇقبات كەزىندە بايان ماقسات قىزى تەمەكى شەگەتىنىن مويىنداپ قالدى.
— ۇندەمەسەم، دەمەك كەلىسكەنىم عوي. ءبىراق بىزدە ۇيات نارسەلەردى ايتۋعا بولمايدى. الايدا ول ورىن الىپ جاتادى. مىسالى، مەن كوپ توقالداردى بىلەمىن. ونى ءبارى بىلەدى، ءبىراق قوعام ونى دۇرىس قابىلدايدى. بۇل قوعامداعى قالىپتى جاعدايعا اينالىپ بارادى. مىسالى، مەن وعان كەلىسپەس ەدىم. باسىمنان اياعىما دەيىن اقشاما كومىپ تاستاسا دا…
كوپ بالا تۋماعانىما قاتتى وكىنەم
— مەنى مۇسىركەۋدىڭ دە، مەنى جەك كورۋدىڭ دە قاجەتى جوق. ويتكەنى تاعدىر مەنى قاجەتتى دەڭگەيدە جازالادى دەپ ويلايمىن. "وعان بۇل از" دەپ ايتاتىندار، قايدان ءبىلسىن مەنىڭ نە كورگەنىمدى. مۇنى ەشكىمنىڭ باسىنا بەرمەسىن. بۇل — مەنىڭ ءومىرىم، بۇل — مەنىڭ ساباعىم، بۇل — مەنىڭ سىناعىم.
مەنىڭ ءبىر وكىنىشىم بار. ول — كوپ بالا تۋماعىنىمدا. كوپ بالا تۋۋىما مۇمكىندىك بولدى، ءبىراق ونى مەن پايدالانا المادىم. سول ءۇشىن قاتتى وكىنەم.
مىسالى، ءقازىر مەنىڭ ەكى ەمەس، ءتورت قىزىم بولسا، قازىرگىدەن دە الدەقايدا باقىتتى بولار ەدىم. ۇلكەنىم الىستا، ونى ساعىنىپ ءجۇرمىن، قۇشاقتاپ، ەركەلەتكىم كەلەدى. كىشىم دە ەسەيىپ قالدى. باقىت دەگەن بالادا عوي نەگىزى…
ەگەر تاعدىر مەنى ماجبۇرلەسە نەمەسە ءومىردىڭ اعىنى مەنى سونداي تاڭداۋعا اكەلىپ سوقسا، وندا مەن بالانى اسىراپ الار ەدىم. ازىرگە، ول تۋرالى ويلاپ كورمەپپىن…
… مىسالى، مەنىڭ قىزىم قىتايلىقتى، نەمىستى، فرانسۋزدى نەمەسە قازاقتى ءسۇيىپ قالسا، وندا مەن ماحابباتقا جاقتاسار ەدىم. مەن ەشقاشان ەشقانداي اقشا ءۇشىن توقال بولمايمىن»، — دەدى بايان ماقسات قىزى.
https://www.youtube.com/watch؟time_continue=1&v=S4EW7838JCE
دەرەككوزى: kaz.365info.kz
