Baým toǵaiyn abattandyrý kezinde birde-bir aǵash kesilmeidi. Bul týraly Almaty ákimdigi málimdedi, dep habarlaidy Dalanews.kz.
Almaty qalasynyń Ekologiia jáne qorshaǵan orta basqarmasyna qarasty "Medeý" memlekettik óńirlik tabiǵi saiabaǵy Baým toǵaiynda 104 429 aǵash jáne 5081 buta bar. Olardyń barlyǵy memlekettik orman qory sanatyna jatady jáne erekshe qorǵalatyn tabiǵi aýmaqtyń bir bóligi.
"Qýrap turǵandardyń úlesi aǵashtardyń jalpy sanynyń 9%-ynan sál ǵana asady. Bul BAQ-ta buryn taralǵan "48% aǵash kesiledi" degen aqparatty joqqa shyǵarady", - dedi ákimdik ókilderi.
Sonymen qatar, 2026 jyly aýmaqty abattandyrý aiasynda toǵaidyń jasyl qoryn tolyqtyrý jáne tabiǵi shyǵyndy óteý maqsatynda myńnan asa jańa aǵash egilmek.
"Toǵaidaǵy jumystar tabiǵi ortaǵa barynsha az aralasý qaǵidatymen atqarylady. Abattandyrýda tsement-beton buiymdaryn qoldanbai, ekologiialyq materialdar paidalanylady. Ekologiialyq júrginshi jolaqtary men energoúnemdegish jaryqtandyrý ornatylady, sondai-aq, qonaqtardyń qaýipsizdigin qamtamasyz etý úshin politsiia beketteri men beinebaqylaý júieleri qarastyrylady. ...Jumys eriktiler men demeýshiler esebinen, biýdjet qarajatyn tartpai júzege asyrylyp jatyr. ...Qala turǵyndary men BAQ ókilderinen tek resmi ári tekserilgen derekkózderge súienýin suraimyz", - dedi ákimdik ókilderi.
