باۋم توعايىن اباتتاندىرۋ كەزىندە بىردە-بىر اعاش كەسىلمەيدى. بۇل تۋرالى الماتى اكىمدىگى مالىمدەدى، دەپ حابارلايدى Dalanews.kz.
الماتى قالاسىنىڭ ەكولوگيا جانە قورشاعان ورتا باسقارماسىنا قاراستى "مەدەۋ" مەملەكەتتىك وڭىرلىك تابيعي ساياباعى باۋم توعايىندا 104 429 اعاش جانە 5081 بۇتا بار. ولاردىڭ بارلىعى مەملەكەتتىك ورمان قورى ساناتىنا جاتادى جانە ەرەكشە قورعالاتىن تابيعي اۋماقتىڭ ءبىر بولىگى.
"قۋراپ تۇرعانداردىڭ ۇلەسى اعاشتاردىڭ جالپى سانىنىڭ 9%-ىنان ءسال عانا اسادى. بۇل باق-تا بۇرىن تارالعان "48% اعاش كەسىلەدى" دەگەن اقپاراتتى جوققا شىعارادى"، - دەدى اكىمدىك وكىلدەرى.
سونىمەن قاتار، 2026 جىلى اۋماقتى اباتتاندىرۋ اياسىندا توعايدىڭ جاسىل قورىن تولىقتىرۋ جانە تابيعي شىعىندى وتەۋ ماقساتىندا مىڭنان اسا جاڭا اعاش ەگىلمەك.
"توعايداعى جۇمىستار تابيعي ورتاعا بارىنشا از ارالاسۋ قاعيداتىمەن اتقارىلادى. اباتتاندىرۋدا سەمەنت-بەتون بۇيىمدارىن قولدانباي، ەكولوگيالىق ماتەريالدار پايدالانىلادى. ەكولوگيالىق جۇرگىنشى جولاقتارى مەن ەنەرگوۇنەمدەگىش جارىقتاندىرۋ ورناتىلادى، سونداي-اق، قوناقتاردىڭ قاۋىپسىزدىگىن قامتاماسىز ەتۋ ءۇشىن پوليسيا بەكەتتەرى مەن بەينەباقىلاۋ جۇيەلەرى قاراستىرىلادى. ...جۇمىس ەرىكتىلەر مەن دەمەۋشىلەر ەسەبىنەن، بيۋدجەت قاراجاتىن تارتپاي جۇزەگە اسىرىلىپ جاتىر. ...قالا تۇرعىندارى مەن ب ا ق وكىلدەرىنەن تەك رەسمي ءارى تەكسەرىلگەن دەرەككوزدەرگە سۇيەنۋىن سۇرايمىز"، - دەدى اكىمدىك وكىلدەرى.
