Batys Qazaqstan oblysy, Báiterek aýdanyna qarasty Petrovo aýylynyń turǵyndary basqa eldimekenge kóshiriledi,- dep habarlaidy Dalanews.kz "Moi Gorod" basylymyna silteme jasap.
Petrovo aýyly munai men gaz óndiriletin Rojkovskoe ken ornyna jaqyn ornalasqan. Jergilikti halyq ken ornynyń qorshaǵan ortaǵa keri áseri bar ekenin aityp, kóshirýdi ózderi suraǵan.
Aýdan ákimi Marat Toǵjanovtyń aitýynsha, aýyl sanitarlyq qorǵaý aimaǵyna kirmese de, turǵyndardyń ótinishi eskerilip, kóshirý týraly sheshim qabyldanǵan. Qazir qonys aýdarý úshin qajetti qarajat pen qurylys máselesi qaralyp jatyr.
– Petrovoda 16 otbasy turady. Olardyń biri – kópbalaly otbasy. Barlyǵyn Ianvartsevo aýylyna kóshirý josparlanyp otyr. Bul úshin sol aýylda jańa turǵyn úiler salynady. Qazir qurylys neden bastalatyny talqylanýda. Jobany júzege asyrýǵa shamamen 300-350 million teńge qajet, – dedi aýdan basshysy.
Marat Toǵjanov oblys ákimdiginen qarjylai qoldaý suralatynyn atap ótti. Aita keteiik, Petrovo aýylynda qazirgi tańda bastaýysh mektep jumys isteidi.
