Batys Qazaqstan oblysynyń ákimi Nariman Tóreǵaliev Chehiia tehnikalyq ýniversitetiniń vitse-rektory Oldrjih Starymen kezdesti,- dep habarlaidy Dalanews.kz
Taraptar Chehiia men Qazaqstan ýniversitetteri arasyndaǵy akademiialyq yntymaqtastyqty keńeitý perspektivalaryn talqylady. Ásirese stýdentter almasý, birlesken ǵylymi jobalardy júzege asyrý jáne Batys Qazaqstan oblysynda Chehiianyń jetekshi joǵary oqý oryndarynyń filialdaryn ashý máselelerine erekshe nazar aýdaryldy. Sondai-aq, Qazaqstan úshin bilikti mamandar daiarlaý men ǵylymi áleýetti nyǵaitý turǵysynan asa mańyzdy bolyp tabylatyn iadrolyq ǵylym salasyndaǵy yntymaqtastyqty damytýǵa basymdyq berildi.
«Bizdiń ýniversitetterimizdiń Chehiianyń jetekshi joǵary oqý oryndarymen belsendi túrde yntymaqtastyǵyn qalaimyz. Bilim men ǵylym óńirdiń turaqty damýynyń negizine ainalýy tiis, al jańa birlesken jobalar halyqaralyq standarttarǵa sai mamandardy daiarlaýǵa múmkindik beredi», - dep atap ótti BQO ákimi.
Chehiia tehnikalyq ýniversiteti Eýropadaǵy eń kóne tehnikalyq joǵary oqý oryndarynyń biri bolyp tabylady. 1707 jyly negizi qalanǵan ýniversitet búginde 8 fakýltetti, 17 myńnan astam stýdentti jáne ondaǵan bilim berý baǵdarlamalaryn qamtidy. Bul ony uzaq merzimdi yntymaqtastyq úshin senimdi áriptes etedi.
Kezdesý Qazaqstan Respýblikasynyń Chehiia Respýblikasyndaǵy Elshiliginiń qoldaýymen uiymdastyryldy.
