باتىس قازاقستان وبلىسىنىڭ اكىمى ناريمان تورەعالييەۆ چەحيا تەحنيكالىق ۋنيۆەرسيتەتىنىڭ ۆيسە-رەكتورى ولدرجيح ستارىمەن كەزدەستى،- دەپ حابارلايدى Dalanews.kz
تاراپتار چەحيا مەن قازاقستان ۋنيۆەرسيتەتتەرى اراسىنداعى اكادەميالىق ىنتىماقتاستىقتى كەڭەيتۋ پەرسپەكتيۆالارىن تالقىلادى. اسىرەسە ستۋدەنتتەر الماسۋ، بىرلەسكەن عىلىمي جوبالاردى جۇزەگە اسىرۋ جانە باتىس قازاقستان وبلىسىندا چەحيانىڭ جەتەكشى جوعارى وقۋ ورىندارىنىڭ فيليالدارىن اشۋ ماسەلەلەرىنە ەرەكشە نازار اۋدارىلدى. سونداي-اق، قازاقستان ءۇشىن بىلىكتى ماماندار دايارلاۋ مەن عىلىمي الەۋەتتى نىعايتۋ تۇرعىسىنان اسا ماڭىزدى بولىپ تابىلاتىن يادرولىق عىلىم سالاسىنداعى ىنتىماقتاستىقتى دامىتۋعا باسىمدىق بەرىلدى.
«ءبىزدىڭ ۋنيۆەرسيتەتتەرىمىزدىڭ چەحيانىڭ جەتەكشى جوعارى وقۋ ورىندارىمەن بەلسەندى تۇردە ىنتىماقتاستىعىن قالايمىز. ءبىلىم مەن عىلىم ءوڭىردىڭ تۇراقتى دامۋىنىڭ نەگىزىنە اينالۋى ءتيىس، ال جاڭا بىرلەسكەن جوبالار حالىقارالىق ستاندارتتارعا ساي مامانداردى دايارلاۋعا مۇمكىندىك بەرەدى»، - دەپ اتاپ ءوتتى بقو اكىمى.
چەحيا تەحنيكالىق ۋنيۆەرسيتەتى ەۋروپاداعى ەڭ كونە تەحنيكالىق جوعارى وقۋ ورىندارىنىڭ ءبىرى بولىپ تابىلادى. 1707 جىلى نەگىزى قالانعان ۋنيۆەرسيتەت بۇگىندە 8 فاكۋلتەتتى، 17 مىڭنان استام ستۋدەنتتى جانە ونداعان ءبىلىم بەرۋ باعدارلامالارىن قامتيدى. بۇل ونى ۇزاق مەرزىمدى ىنتىماقتاستىق ءۇشىن سەنىمدى ارىپتەس ەتەدى.
كەزدەسۋ قازاقستان رەسپۋبليكاسىنىڭ چەحيا رەسپۋبليكاسىنداعى ەلشىلىگىنىڭ قولداۋىمەن ۇيىمداستىرىلدى.
