Batys Qazaqstanda aýyldyq eldi meken turǵyndary baspanamen qamtylýda

Jarbol Kentuly 17 mam. 2024 19:59 3280

Memleket basshysy Qasym-Jomart Kemeluly Toqaev úı kezeginde turǵan oblystardaǵy aýyldy eldi mekenderdiń turǵyndaryn baspanamen qamtý basty mindetterdiń biri ekenin atap ótken bolatyn. Osy rette, Batys Qazaqstan oblysynda turǵyndardy baspanamen qamtamasyz etý jumystary qarqyndy túrde júzege asýda.

2023 jyly Batys Qazaqstannyń aýyldy eldi mekenderinde 105 páter paıdalanýǵa berildi. Atap aıtqanda, Aqjaıyq aýdanynda – 48páter, Qaratóbe aýdanynda– 12 páter, Shyńǵyrlaý aýdanynda – 45 páter.

Budan bólek, respýblıkalyq búdjet qarajaty esebinen aýyldy jerlerde turatyn halyqtyń áleýmettik osal toptary úshin qosymsha 202 páter satyp alyndy.

Bıyl 2024 jyly BQO-da kezekte turǵan aýyldy eldi meken turǵyndary úshin 6 jaldamaly turǵyn úıdi qoldanysqa berý jáne 758 páterdi satyp alý josparlanýda.

Nátıjesinde 900-ge jýyq otbasy óz baspanasyna qol jetkizedi.

Turǵyndardy baspanamen qamtý jáne qurylys jumystary oblys ákimi Narıman Tóreǵalıevtiń tikeleı baqylaýynda.

 


Usynylǵan
Sońǵy jańalyqtar