Óńirde egis naýqanyna daiyndyq josparly túrde júrgizilip jatyr. Aýyl sharýashylyǵy daqyldaryn 612,7 myń gektar alqapqa egý kózdelgen, dep habarlaidy Dalanews.kz
Egis alqaptarynyń negizgi bóligin dándi daqyldar alady — 290,6 myń gektar. Maily daqyldar 118,9 myń gektarǵa, kartop, kókónis jáne baqsha daqyldary 4,2 myń gektarǵa egiledi. Jem-shóp daqyldary 199 myń gektardy quraidy.
2024 jyldyń kúzine qarai egis jumystaryna daiyndyq aiasynda 91,5 myń gektar alqapqa kúzdik dándi daqyldar egilgen. Onyń ishinde 83,9 myń gektarǵa kúzdik bidai, 6,7 myń gektarǵa qara bidai jáne 0,9 myń gektarǵa tritikale sebilgen.
Kóktemgi dala jumystaryn júrgizý úshin 29,4 myń tonna tuqym qajet. Oblys qajetti tuqymmen tolyq qamtamasyz etilgen, olar zerthanalyq tekseristen ótip, egýge jaramdy jaǵdaiǵa keltirilgen.
Egis naýqanyn sátti júrgizý úshin 8,4 myń tonna dizel otyny bólindi. Aýyl sharýashylyǵy jumystaryna 3 136 traktor, 2 097 tuqym sepkish, 646 kýltivator jáne basqa da arnaiy tehnika tartylatyn bolady.
Memleket basshysynyń aýyl sharýashylyǵy ónimderin 2 ese arttyrý tapsyrmasyn oryndaý aiasynda óńirde ǵylymi negizdelgen normalarǵa sáikes mineraldy tyńaitqyshtardy engizý kólemin arttyrý josparlanǵan. 2025 jyly oblys agrarshylary joǵary ónim alý úshin 8 500 tonna tyńaitqysh satyp alady.
Kóktemgi egis jumystaryna daiyndyq pen olardyń ótkizilýi barlyq josparǵa sai qatań túrde júrgizilýde. Bul agrarlyq maýsymnyń sátti bastalýyna jáne aýyl sharýashylyǵy óndirisin arttyrýǵa qajetti jaǵdailardy jasaýǵa múmkindik beredi.
