Kezdesýde Amandyq Ǵabbasuly áýeli jer jannaty Jetisý jeriniń jetistikterin tanystyrdy.
Osydan keıin sóz alǵan Ózbekstannyń Qazaqstandaǵy Tótenshe jáne Ókiletti Elshisi Saıdıkram Nıazhodjaev:
– Biz baýyrlas el bolǵandyqtan qaı salany alyp qarasaq ta, bir-birimizben tyǵyz qarym-qatynasta jumys isteımiz. Aldaǵy maqsatymyz – Jetisý jerine kóterme-bólshek saýda ortalyqtaryn ashý. Bul jaqta aýylsharýashylyǵy jaqsy damyǵan. Dese de, biz erte pisetin jemis-jıdekterdi ákelsek, – dep oıyn jetkizdi.
Ózbek elshisiniń aıtýynsha, ınvestorlar qurylys, saýda syndy maýsymdyq jumystarǵa bilikti mamandar jiberip, kómektesýge daıyn. Eń bastysy, Jetisýǵa keletin mamandar qazaqtyń tarıhy men tilin oqyp, bilip keletinin aıtty.
Bul másele boıynsha oblys ákimi arzan baǵada jemis-jıdek alý, bilikti qurylysshylardy tartý jetisýlyqtarǵa da tıimdi ekenin sóz etti. Sondaı-aq, oblysymyzdy damytýǵa atsalysatynyn, tarıhı, kórikti jerlerimizdi túrlendiretin ınvestorlarǵa qoldaý bildiretinin aıtty.
