كەزدەسۋدە اماندىق عابباس ۇلى اۋەلى جەر جانناتى جەتىسۋ جەرىنىڭ جەتىستىكتەرىن تانىستىردى.
وسىدان كەيىن ءسوز العان وزبەكستاننىڭ قازاقستانداعى توتەنشە جانە وكىلەتتى ەلشىسى سايديكرام نيازحودجايەۆ:
– ءبىز باۋىرلاس ەل بولعاندىقتان قاي سالانى الىپ قاراساق تا، بىر-بىرىمىزبەن تىعىز قارىم-قاتىناستا جۇمىس ىستەيمىز. الداعى ماقساتىمىز – جەتىسۋ جەرىنە كوتەرمە-بولشەك ساۋدا ورتالىقتارىن اشۋ. بۇل جاقتا اۋىلشارۋاشىلىعى جاقسى دامىعان. دەسە دە، ءبىز ەرتە پىسەتىن جەمىس-جيدەكتەردى اكەلسەك، – دەپ ويىن جەتكىزدى.
وزبەك ەلشىسىنىڭ ايتۋىنشا، ينۆەستورلار قۇرىلىس، ساۋدا سىندى ماۋسىمدىق جۇمىستارعا بىلىكتى ماماندار جىبەرىپ، كومەكتەسۋگە دايىن. ەڭ باستىسى، جەتىسۋعا كەلەتىن ماماندار قازاقتىڭ تاريحى مەن ءتىلىن وقىپ، ءبىلىپ كەلەتىنىن ايتتى.
بۇل ماسەلە بويىنشا وبلىس اكىمى ارزان باعادا جەمىس-جيدەك الۋ، بىلىكتى قۇرىلىسشىلاردى تارتۋ جەتىسۋلىقتارعا دا ءتيىمدى ەكەنىن ءسوز ەتتى. سونداي-اق، وبلىسىمىزدى دامىتۋعا اتسالىساتىنىن، تاريحي، كورىكتى جەرلەرىمىزدى تۇرلەندىرەتىن ينۆەستورلارعا قولداۋ بىلدىرەتىنىن ايتتى.
