Áleýmettik jelide “Atyraý munai óńdeý zaýyty” JShS jumysshylarynyń ujymdyq úndeýi paida boldy, dep habarlaidy Dalanews.kz.
Qyzmetkerlerdiń basty talaby - ádildikke qol jetkizý. Úndeýde olar josparsyz jáne jumys ónimdiligine kedergi keltiretin tekseristerge shaǵymdanatyndaryn jetkizedi. Buǵan sebep birinshi jaǵdai – Atyraý munai óńdeý zaýytynyń burynǵy bas direktory Shýhrat Danbaiǵa qatysty is. Eks-basshynyń isi boiynsha qyzmetkerlerden arnaiy jaýap alynǵan. Óz kezeginde olar moraldyq qysymdy bastan ótkeredi. Kásiporynda jazataiym oqiǵalarǵa jol berilmegenimen, bopsalaýǵa uqsas ister oryn alǵan kórinedi. Bul týraly "AJ" basylymy jazady.
Bul is qalai bastaldy?
Aldymen “Sot kabineti” júiesinde jalpyǵa qoljetimdi Sh.Danbai men Q.Seidýalievke qatysty qylmystyq is boiynsha Qazaqstan Respýblikasy Joǵarǵy Sotynyń Qylmystyq ister jónindegi sot alqasynyń №2ýp-331-23 qaýlysyna kóz júgirtip kóreiik.
Sot Sh.Danbai men “AVC Grour” JShS arasynda qalyptasqan ózara tiimdi qarym-qatynasty anyq kórsetedi. Kásiporyn sheneýnik basshylyq etken kezeńde “Pavlodar munai-himiia zaýyty” AQ-ty jabdyqtaýmen ainalysyp, enshiles kompaniialarmen birge “Pavlodar oblysynyń boks federatsiiasy” ÚEU jáne Atyraý oblysy boiynsha “Óńirlik áýesqoi boks federatsiiasy” úkimettik emes uiymynyń esepshotyna 200 million teńge aýdarǵan. Bul kezde Danbai basshylyqta edi.
"AVC Group" JShS óndirýshiniń resmi ókili "ABB" JShS-nen 82,2 million teńgege 4 hromatografty satyp alady. Biraq Konsortsiýmnyń kepildigimen jetkizý somasyn 495,5 millionnan asyryp kórsetip, dál osyndai hromatograftardy Atyraý munai óńdeý zaýytyna 577,7 million teńgege jetkizgen.
2019 jyly zaýyt Konsortsiýmnan (Qytailyq Sinopec Engineering kompaniiasy, japondyq Marubeni Corporation jáne "NGSC KazStroService" AQ) munaidy tereń óńdeý keshenin (kelisimshart somasy 555,6 mlrd teńge) qabyldaidy.
2016 jyly Konsortsiým Atyraý munai óńdeý zaýytyna elektr energiiasyn óndirýge arnalǵan M-0151 týrbokeńeitkishin beredi. Ol úshin zaýyt Sinopec Engineering kompaniiasyna 4,1 mlrd teńge aýdarady. Biraq jabdyqtan aqaý shyǵady. Bir retten satyp alý arqyly 2020 jyldyń 24 qyrkúieginde Atyraý munai óńdeý zaýyty "EON Energo" JShS-men shart jasasady. Ol óz kezeginde "AVC Group" JShS affiliirlengen "AVC Production" JShS-men jóndeý jáne iske qosý boiynsha kelisim-shartqa otyrady. Aqsha tólenedi, biraq detander jumys istemeidi.
2018 jyly Konsortsiým birinshi R-1301 reaktorynyń PI-244 jeńil naftasyn Parisom izomerleýine arnalǵan jabdyqty jetkizedi. Oǵan Atyraý munai óńdeý zaýyty 1,5 mlrd teńge tóleidi. Zaýytty iske qosý kezinde katalizator termiialyq soqqynyń áserinen sóndiriledi. Danbai bul katalizatordy jetkizýdi 2021 jylǵa arnalǵan satyp alý josparyna engizse, odan keiingi bas direktor A.Qaiyrdenov “NOVUS Energy” JShS-nen 1,7 mlrd teńgege satyp alady.
Sh.Danbai da aqaýy bar jabdyqty qabyldaidy. Al 728 million teńgege alynǵan qural-jabdyqqa zaýyt basshylyǵy tarapynan eshqandai shara jasalmaǵan. 2022 jyly júrgizilgen tekseris nátijesi - súzgiler men sýspenziia separatorynyń jumys istemeitinin kórsetti.
Mundai istiń zardaby Atyraý munai óńdeý zaýytynyń jumysshylaryna aitarlyqtai áser etip, olar moraldyq turǵydan aýyr soqqyǵa jyǵylady. Al mundai kásiporyndarda kez kelgen bylyq ujymdyq túrde jasalady. Osy tusta zaýyttyń múddesin qorǵaý boiynsha Danbai men Seidýalievke birqatar qyzmetker kómektesken bolyp shyqty.
Bul qatarda 2022-2024 jyldary Atyraý munai óńdeý zaýytynyń bas direktory qyzmetin atqarǵan Murat Dosmuratov ta bar.
Qazaqstan Respýblikasynyń Qarjy monitoringi agenttigi "Atyraý munai óńdeý zaýyty" JShS basshylyǵyna qatysty memleketke asa iri kólemde zalal keltirý túrindegi aýyr zardaptarǵa ákep soqqan laýazymdyq ókilettikterin asyra paidalanǵany úshin sotqa deiingi tergeý amaldaryn júrgizýde. Dosmuratovtyń jáne basqa da zaýyt qyzmetkerleriniń isin sot anyqtaidy.
"A.Z." joǵaryda atalǵan úndeýge qol qoiǵan keibir qyzmetkerge osy hatqa túsinikteme berýdi ótingen. Alaida olar zaýytta jumysty jalǵastyrǵysy keletinderin jáne qysymǵa ushyraýdan qorqatyndaryn alǵa tartyp, túsinikteme berýden bas tartady.
Eske salaiyq,kúni keshe Atyraý munai óńdeý zaýytynyń burynǵy bas direktory Murat Dosmuratov úiqamaqqa alynǵany habarlanǵan bolatyn. Bul týraly "AJ" basylymyna derekkóz málimdegen.
Buǵan deiin BAQ Murat Dosmuratovtyń qyzmettik ókiletin asyra paidalanǵany úshin 72 saǵatqa qamaýǵa alynǵanyn habarlaǵan bolatyn. Sheneýniktiń ustalýyna bas direktor Ǵalymjan Jýsanbaev pen onyń orynbasary, bas injener Ádilet Shoshanbasov taiaýda qyzmetinen bosatylǵan Atyraý munai óńdeý zaýytyndaǵy sońǵy oqiǵalarǵa qatysy joq ekeni atap ótilgen.
Osyǵan qatysty Qazaqstan Respýblikasy Qarjy monitoringi agenttigi qylmystyq is boiynsha tergeý júrgizilip jatqany týraly málimdeme jasaǵan edi.
"Atyraý munai óńdeý zaýyty" JShS basshylyǵyna qatysty memleketke asa iri kólemde zalal keltirý túrindegi aýyr zardaptarǵa ákep soqqan laýazymdyq ókilettikterin teris paidalanǵany úshin sotqa deiingi tergep-tekserýdi óńirlik prokýratýranyń úilestirýimen Atyraý oblysy boiynsha QMA departamenti bastady", - delingen bolatyn habarlamada.
