Almaty oblysy Ishki saiasat basqarmasynyń basshysy Erlan Jaqypov bir jarym ai bolmai qyzmetinen ketti, dep habarlaidy Dalanews.kz.
Bul týraly redaktsiiaǵa derekkóz habarlady. Ishki saiasat basqarmasynyń resmi saitynda da basshylyqqa qatysty eshqandai aqparat berilmegen. Tek eki orynbasary kórsetilgen.
Aita keteiik, Erlan Jumashuly Baǵanashyl balalar úiine qatysty daýdan soń qyzmetten ketken Erik Abitovtiń ornyna kelgen. Erlan Jaqypov buǵan deiin Shyǵys Qazaqstan oblysynda laýazymdy qyzmetter atqarǵan, Óskemen qalasy ákiminiń orynbasary, AMANAT partiiasy Almaty oblystyq filialynyń atqarýshy hatshysy bolǵan.
Jýrnalist Ardaq Aibaruly bul aýys-túiistiń sebebin bylai dep kórsetipti.
"Ólgendi de estirtedi", – deidi ǵoi. Basshy turaqtamaityn ishki saiasat basqarmasy "Samǵaýdy" bul joly da qorǵai almapty. Oblys basshysynyń jańadan taǵaiyndaǵan adamy 1,5 ai jumys istep, "doktorantýraǵa tústim" degen jeleýmen qyryq syltaýyn aityp, qyzmetinen ketip qalǵan. Árine, bul ákimge úlken minýs. Erik Áziljanuly Baǵanashyldaǵy balalar úiine qatysty shyqqan daý-damaidan soń qyzmetimen qosh aitysqan kezde "Jetisý oblysynan Aidar Karbozuly Bashbaevtyń kandidatýrasyn usynyńyzdarshy osy qyzmetke", – dep, aitýdai-aq aittyq. Biraq estir qulaq bolmady. Mine, endi araǵa az ǵana ýaqyt salyp, sol sózdi taǵy qaitalaýǵa týra kelip tur..." - dep jazdy ol.
Rasynda da, ákimdik tarapynan ázirge Erlan Jaqypov qyzmetinen ketkeni jóninde resmi aqparat taramady.
