الماتى وبلىسى ٸشكٸ ساياسات باسقارماسىنىڭ باسشىسى ەرلان جاقىپوۆ بٸر جارىم اي بولماي قىزمەتٸنەن كەتتٸ, دەپ حابارلايدى Dalanews.kz.
بۇل تۋرالى رەداكتسيياعا دەرەككٶز حابارلادى. ٸشكٸ ساياسات باسقارماسىنىڭ رەسمي سايتىندا دا باسشىلىققا قاتىستى ەشقانداي اقپارات بەرٸلمەگەن. تەك ەكٸ ورىنباسارى كٶرسەتٸلگەن.
ايتا كەتەيٸك, ەرلان جۇماشۇلى باعاناشىل بالالار ٷيٸنە قاتىستى داۋدان سوڭ قىزمەتتەن كەتكەن ەرٸك ابيتوۆتٸڭ ورنىنا كەلگەن. ەرلان جاقىپوۆ بۇعان دەيٸن شىعىس قازاقستان وبلىسىندا لاۋازىمدى قىزمەتتەر اتقارعان, ٶسكەمەن قالاسى ەكٸمٸنٸڭ ورىنباسارى, AMANAT پارتيياسى الماتى وبلىستىق فيليالىنىڭ اتقارۋشى حاتشىسى بولعان.
جۋرناليست ارداق ايبارۇلى بۇل اۋىس-تٷيٸستٸڭ سەبەبٸن بىلاي دەپ كٶرسەتٸپتٸ.
"ٶلگەندٸ دە ەستٸرتەدٸ", – دەيدٸ عوي. باسشى تۇراقتامايتىن ٸشكٸ ساياسات باسقارماسى "سامعاۋدى" بۇل جولى دا قورعاي الماپتى. وبلىس باسشىسىنىڭ جاڭادان تاعايىنداعان ادامى 1,5 اي جۇمىس ٸستەپ, "دوكتورانتۋراعا تٷستٸم" دەگەن جەلەۋمەن قىرىق سىلتاۋىن ايتىپ, قىزمەتٸنەن كەتٸپ قالعان. ەرينە, بۇل ەكٸمگە ٷلكەن مينۋس. ەرٸك ەزٸلجانۇلى باعاناشىلداعى بالالار ٷيٸنە قاتىستى شىققان داۋ-دامايدان سوڭ قىزمەتٸمەن قوش ايتىسقان كەزدە "جەتٸسۋ وبلىسىنان ايدار كاربوزۇلى باشباەۆتىڭ كانديداتۋراسىن ۇسىنىڭىزدارشى وسى قىزمەتكە", – دەپ, ايتۋداي-اق ايتتىق. بٸراق ەستٸر قۇلاق بولمادى. مٸنە, ەندٸ اراعا از عانا ۋاقىت سالىپ, سول سٶزدٸ تاعى قايتالاۋعا تۋرا كەلٸپ تۇر..." - دەپ جازدى ول.
راسىندا دا, ەكٸمدٸك تاراپىنان ەزٸرگە ەرلان جاقىپوۆ قىزمەتٸنەن كەتكەنٸ جٶنٸندە رەسمي اقپارات تارامادى.
