الماتى وبلىسىنا قر مەدەنيەت جەنە اقپارات ۆيتسە-مينيسترٸ رۋستام ەلي جۇمىس ساپارىمەن كەلدٸ, دەپ حابارلايدى Dalanews.kz
ايماققا كەلگەن ۆيتسە-مينيستر الدىمەن ٸلە اۋدانىنا بارىپ, ن. تٸلەنديەۆ اتىنداعى مەدەنيەت ٷيٸنٸڭ جۇمىسىمەن تانىستى. ودان كەيٸن قوناەۆ قالاسىنداعى جاڭعىرتۋدان ٶتكەن كٸتاپحاناعا باردى. سونداي-اق, ول قوناەۆ قالاسىنىڭ تۇرعىندارىمەن كەزدەسۋ ٶتكٸزدٸ.
كەزدەسۋ بارىسىندا رۋستام ەلي رەسپۋبليكادا 5 229 بۇقارالىق اقپارات قۇرالى رەسمي تٸركەلگەنٸن ايتتى. ونىڭ ٸشٸندە الماتى وبلىسىندا 20 مەرزٸمدٸ باسىلىم, 2 تەلە-راديو ارنا جەنە 1 وبلىستىق ينتەرنەت-سايت جۇمىس ٸستەيدٸ.
«بۇرىن بۇقارالىق اقپارات قۇرالدارىنىڭ 80%-ى مەملەكەتتٸك بولسا, قازٸر ولاردىڭ 90%-ى جەكەمەنشٸك. بۇل تەك ساندىق كٶرسەتكٸش ەمەس. ياعني, سالا دامىپ, مەديانىڭ بەسەكەگە قابٸلەتتٸلٸگٸ ارتىپ كەلەدٸ», – دەدٸ ۆيتسە-مينيستر.
سونىمەن قاتار, ول ٶتكەن جىلى پرەزيدەنتتٸڭ تاپسىرماسىمەن قابىلدانعان «ماسس مەديا تۋرالى» جەنە «ونلاين-پلاتفورمالار جەنە ونلاين-جارناما تۋرالى» زاڭداردىڭ ماڭىزىنا توقتالدى.
ونىڭ ايتۋىنشا, «ماسس مەديا تۋرالى» زاڭ تٸركەلگەن باق قىزمەتٸن رەتتەۋگە جەنە اقپاراتتىق قاۋٸپسٸزدٸكتٸ قامتاماسىز ەتۋگە باعىتتالعان. سونداي-اق, بۇل زاڭ اياسىندا مەملەكەتتٸك اقپاراتتىق ساياساتتى جٷزەگە اسىراتىن بٸرىڭعاي مەديا پلاتفورمانى قۇرۋ, جۋرناليستەردٸ جەڭٸلدەتٸلگەن تەرتٸپپەن تٸركەۋ سيياقتى مٸندەتتەر قاراستىرىلعان.
ۆيتسە-مينيستر مەدەنيەت سالاسىنا دا توقتالىپ ٶتتٸ. ونىڭ مەلٸمەتٸنشە, الماتى وبلىسىندا رەسپۋبليكالىق ماڭىزى بار 10, جەرگٸلٸكتٸ ماڭىزى بار 799 تاريحي-مەدەني ەسكەرتكٸش بار. قازٸرگٸ ۋاقىتتا ٶڭٸردەگٸ 13 مەدەني نىسانعا جٶندەۋ جۇمىستارى جٷرگٸزٸلۋدە, ال 4 نىساننىڭ قۇرىلىسى اياقتالعان.
سونداي-اق, جاقىن ۋاقىتتا 2 مەدەني نىساننىڭ ٸرگەتاسى قالانىپ, تاعى 7 نىسان جٶندەۋدەن ٶتەدٸ دەپ جوسپارلانۋدا.
كەزدەسۋ بارىسىندا رۋستام ەلي ونوماستيكا سالاسىنداعى جۇمىستارعا دا توقتالدى.
ونىڭ ايتۋىنشا, بۇل باعىتتا الماتى وبلىسى كٶش باستاپ تۇر.
«2024–2025 جىلدارعا ارنالعان جول كارتاسى اياسىندا وبلىستا 800-گە جۋىق كٶشەنٸڭ اتاۋىن ٶزگەرتۋ بويىنشا جۇمىستار جٷرگٸزٸلدٸ. سونىمەن قاتار, 150-دەن استام ارداگەردٸڭ ەسٸمٸ ٶڭٸر كٶشەلەرٸنە بەرٸلدٸ», – دەدٸ ول.
جيىندا ٷكٸمەتتٸك ەمەس ۇيىمداردىڭ جۇمىسى تۋرالى دا ايتىلدى. سوڭعى 5 جىلدا ٷەۇ جوبالارىن قارجىلاندىرۋ كٶلەمٸ ٷش ەسەگە ٶسٸپ, جوبالار سانى 1 708-دەن 2 162-گە دەيٸن ارتقان.
الماتى وبلىسىندا بيىل جالپى قۇنى 1 254,2 ملن تەڭگە بولاتىن 90 ەلەۋمەتتٸك جوبا جٷزەگە اسىرىلىپ جاتىر.
كەزدەسۋ بارىسىندا تۇرعىندار ٶزدەرٸن الاڭداتقان مەسەلەلەردٸ دە كٶتەردٸ. اتاپ ايتقاندا, اۋىلدىق جەرلەردە مەدەنيەت ٷيلەرٸنٸڭ جەتٸسپەۋشٸلٸگٸ سٶز بولدى. تۇرعىندار الاتاۋ قالاسىندا مەدەنيەت ٷيٸ جوق ەكەنٸن جەتكٸزدٸ.
ٶز كەزەگٸندە رۋستام ەلي بۇل مەسەلە جەرگٸلٸكتٸ دەڭگەيدە شەشٸلۋٸ تيٸس ەكەنٸن ايتىپ, ونى وبلىس باسشىلىعىنا جەتكٸزەتٸنٸن مەلٸمدەدٸ.
جيىن سوڭىندا ازاماتتاردى جەكە قابىلداۋ ٶتٸپ, كەيٸن ۆيتسە-مينيستر باق ٶكٸلدەرٸمەن باسپاسٶز مەسليحاتىن ٶتكٸزدٸ.
ايماقتىڭ دامۋىنا قاتىستى پٸكٸر بٸلدٸرگەن ۆيتسە-مينيستر وبلىس باسشىلىعىنا بٸرقاتار ماڭىزدى ۇسىنىستار جولدايتىنىن اتاپ ٶتتٸ.
