Qazaqstannyń Bas prokýratýrasy jýrnalist Aidos Sadyqovtyń ólimine qatysty kez kelgen suraqqa jaýap berýden úshinshi ret bas tartty, dep habarlaidy Dalanews.kz.
Vedomstvo tergeý qupiialyǵyna silteme jasap, bul istiń ashyq ári ádil tergeletini jónindegi málimdemelerine qaramastan, qosymsha aqparat berýden bas tartqan.
“Vlast” basylymy Bas prokýratýraǵa joldaǵan saýalynda “Ýkraina Bas prokýratýrasynan bul iske qatysty halyqaralyq quqyqtyq kómek kórsetý týraly suranys kelip tústi me jáne oǵan jaýap berý qashan josparlanyp otyr?” degen suraqtarǵa jaýap alýǵa tyrysqan. Alaida vedomstvo bul suraqtarǵa da, “óz erkimen politsiiaǵa berilgen Jaqanbaevtyń is boiynsha protsesýaldyq mártebesi qandai?” degen saýalǵa da jaýap bermedi.
2024 jyldyń 18 maýsymynda Kievte oppozitsiialyq jýrnalist, “Báse” arnasynyń avtory Aidos Sadyqovqa qastandyq jasaldy. Ol basynan oq jaraqatyn alyp, 13 kún boiy jansaqtaý bóliminde jatty. 2 shilde kúni túnde qaitys boldy.
Ýkraina Bas prokýrory keńsesiniń málimetinshe, bul qylmysqa Qazaqstannyń eki azamatynyń qatysy bar.
