Қазақстанның Бас прокуратурасы журналист Айдос Садықовтың өліміне қатысты кез келген сұраққа жауап беруден үшінші рет бас тартты, деп хабарлайды Dalanews.kz.
Ведомство тергеу құпиялығына сілтеме жасап, бұл істің ашық әрі әділ тергелетіні жөніндегі мәлімдемелеріне қарамастан, қосымша ақпарат беруден бас тартқан.
“Власть” басылымы Бас прокуратураға жолдаған сауалында “Украина Бас прокуратурасынан бұл іске қатысты халықаралық құқықтық көмек көрсету туралы сұраныс келіп түсті ме және оған жауап беру қашан жоспарланып отыр?” деген сұрақтарға жауап алуға тырысқан. Алайда ведомство бұл сұрақтарға да, “өз еркімен полицияға берілген Жақанбаевтың іс бойынша процесуалдық мәртебесі қандай?” деген сауалға да жауап бермеді.
2024 жылдың 18 маусымында Киевте оппозициялық журналист, “Бәсе” арнасының авторы Айдос Садықовқа қастандық жасалды. Ол басынан оқ жарақатын алып, 13 күн бойы жансақтау бөлімінде жатты. 2 шілде күні түнде қайтыс болды.
Украина Бас прокуроры кеңсесінің мәліметінше, бұл қылмысқа Қазақстанның екі азаматының қатысы бар.
