Qazaqstan Bas kólik prokýratýrasy Aqtaý mańynda apatqa ushyraǵan Embraer 190 ushaǵy ushqyshtarynyń dispetcherlermen jasaǵan kelissózderine qatysty pikir bildirýden bas tartty, dep habarlaidy Dalanews.kz Kýrsivke siltep.
Aita keteiik, reseilik Baza basylymy Aqtaýda qulaǵan ushaqtyń qara jáshiginen tabylǵan jazbany jariia etken. Qazaqstan Bas prokýratýrasynyń habarlaýynsha, aqparatty Resei tarapy taratqan. Qazaqstan tarapy aqparatty rastap nemese joqqa shyǵara almaidy.
Eske salaiyq, buǵan deiin Aqtaýda apatqa ushyraǵan ushaqtyń ushqyshtar men dispetcherdiń ne jaily sóileskeni belgili bolǵan edi. Reseilik Baza telegram arnasy Aqtaý mańynda apatqa ushyraǵan Embraer-190 ushaǵynyń ushqyshtary men dispetcherlerdiń ne týraly sóileskenin jariialady. Jazbadan Groznyiǵa da, Mahachkalaǵa da qonbai, artynan Bakýǵa ushyp, aqyry Aqtaýǵa qoný týraly sheshimdi AZAL ekipajy ózi qabyldaǵanyn ańǵarýǵa bolady.
Stenogrammadan sondai-aq ushaq bortynda ottegi ballonynyń jarylýy men qozǵaltqyshqa qus túsýi týraly nusqalardy ekipaj músheleri aitqanyn túsinýge bolady.
Baza derekkózderi kim ekenin aitpaǵan. Resmi túrde jazbanyń shynaiylyǵy men tolyqtyǵy da rastalmaǵan.
